ମୁମ୍ବାଇ: ବିବାହିତ ମହିଳାଙ୍କ ପାଇଁ ବଟ ପୂର୍ଣ୍ଣିମା ବ୍ରତ ବହୁତ ମହତ ରଖେ । ଏହି ଦିନ ଭକ୍ତମାନେ ଉପବାସ ପାଳନ କରନ୍ତି ଏବଂ ସ୍ୱାମୀଙ୍କ ମଙ୍ଗଳ ପାଇଁ ପ୍ରାର୍ଥନା କରନ୍ତି । ଏହା ଜ୍ୟେଷ୍ଠ ପୂର୍ଣ୍ଣିମା ଦିନ ପାଳନ କରାଯାଏ । ମହାରାଷ୍ଟ୍ର, ଗୁଜୁରାଟ ଏବଂ ଦକ୍ଷିଣ ଭାରତୀୟ ରାଜ୍ୟରେ ବିବାହିତ ମହିଳାମାନେ ବିଶେଷତଃ ଏହି ପର୍ବ ପାଳନ କରଥାନ୍ତି ।
ବଟ ପୂର୍ଣ୍ଣିମା ବ୍ରତ ସାବିତ୍ରୀ ବ୍ରତ ସହିତ ସମାନ । କିନ୍ତୁ ହାତରେ ପୋଲିସ୍ ବାଡି ଧରି ଖାକି ୟୁନିଫର୍ମ ପିନ୍ଧିଥିବା ମହିଳା ପୋଲିସମାନଙ୍କୁ ଆଜି ଅନ୍ୟ ଏକ ରୂପରେ ଦେଖିବାକୁ ମିଳିଛି । ଯେଉଁମାନେ ଅପରାଧକୁ ରୋକୁଥିଲେ ଏବଂ କୋରୋନା ଅବଧିରେ ସେମାନଙ୍କର ପୋଲିସ୍ କର୍ତ୍ତବ୍ୟ କରୁଥିଲେ, ଆଜି ସେମାନେ ସାମାଜିକ ଦୂରତା ରକ୍ଷା କରି ସ୍ୱାମୀଙ୍କ ଦୀର୍ଘାୟୁ ପାଇଁ ହାତରେ ପୂଜା ଥାଳି ଧରି ପୂର୍ଣ୍ଣିମା ପାଳନ କରୁଥିବା ଦେଖିବାକୁ ମିଳିଛି ।
ବଟ ପୂର୍ଣ୍ଣିମା ଦିବସ ଅବସରରେ ଏହି ଚିତ୍ର ନଗର ପୋଲିସ ଷ୍ଟେସନ ପରିସରରେ ଦେଖିବାକୁ ମିଳିଥିଲା | ପୋଲିସ ମହିଳା କର୍ମଚାରୀ ଜଣକ କହିଛନ୍ତି ଯେ, ଘର ହେଉଛି ତାଙ୍କ ପାଇଁ ଜଗତ । କିନ୍ତୁ ପୋଲିସ ବିଭାଗରେ ଡ୍ୟୁଟିକୁ ପ୍ରଥମ ଆଭିମୁଖ୍ୟ ଦେବାକୁ ପଡିବ। କୋରୋନା ସମୟର କାର୍ଯ୍ୟ ଚାପ ଯୋଗୁଁ ଘର ପାଇଁ ସମୟ ଦେଇ ହେଉନାହିଁ । ପ୍ରତ୍ୟେକ ବର୍ଷ ଏହି ଦିନରେ ଘରର ମଙ୍ଗଳ କାମନା ପାଇଁ ମହିଳାମାନେ ବର ଗଛ ଚାରି ପଟେ ବୁଲି ପୂଜା କରିବା ପ୍ରଥା ପୂର୍ବରୁ ରହି ଆସିଛି । କିନ୍ତୁ ଏଥର କୋରୋନା ପାଇଁ ଆଡ଼ମ୍ବରର ସହ ପୂଜା ଅର୍ଚ୍ଚନା କରିବା ସମ୍ଭବ ହୋଇ ପାରିନାହିଁ । ଫଳସ୍ୱରୂପ, ମହିଳା ନଗର ପୋଲିସ ଷ୍ଟେସନରେ ଡ୍ୟୁଟି କରୁଥିବା ସମୟରେ ନିଜ ପତ୍ନୀଧର୍ମ ମଧ୍ୟ ପାଳନ କରିଥିଲେ । ତେବେ ଆଜି ବି ଡ୍ୟୁଟିରେ ଥିବାରୁ ତାଙ୍କୁ କୌଣସି ପ୍ରସ୍ତୁତି ନକରି ପୂଜା କରିବାକୁ ପଡୁଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
