ନୂଆଦିଲ୍ଲୀ: କୋରୋନା ସଙ୍କଟ ଓ ଲକଡାଉନ୍ ଯୋଗୁଁ ଦେଶର ଅନ୍ୟାନ୍ୟ ସେବା ପରି ବିମାନ ସେବା ମଧ୍ୟ ବନ୍ଦ ହୋଇଯାଇଥିଲା କିନ୍ତୁ ବର୍ତ୍ତମାନ ଏହି ବିମାନ ସେବା ସୋମବାର ଠାରୁ ପୁନଃ ଆରମ୍ଭ ହୋଇଛି । ଏହାସହ ବହୁ ସଂଖ୍ୟକ ଲୋକ ବିମାନ ଯୋଗେ ଯାତ୍ରା ମଧ୍ୟ କରିଛନ୍ତି। ଏହି ବିମାନ ସେବା ଆରମ୍ଭ କରିବା ପାଇଁ ଭାରତର ନିଷ୍ପତ୍ତି ଉପରେ ବିଶ୍ବ ସ୍ବାସ୍ଥ୍ୟ ସଂଗଠନ କିଛି ପରାମର୍ଶ ଦେଇଛି।
ବିଶ୍ବ ସ୍ବାସ୍ଥ୍ୟ ସଂଗଠନ (WHO) କହିଛି ଯେ ବିମାନ ସେବା ଯୋଗାଉଥିବା ଲୋକେ ଅତି କମରେ ଏକ ମିଟର କିମ୍ବା ଅଧିକ ଦୂରତା ଅନୁସରଣ କରିବା ଉଚିତ୍। WHO ର ବୈଷୟିକ ମୁଖ୍ୟ ଡ଼ଃ ମାରିଆ ୱାନ୍ କେରଖୋୱ କହିଛନ୍ତି ଯେ ଦୂରତାକୁ ପ୍ରାଧାନ୍ୟ ଦେବା ଉଚିତ୍। ଏହାସହ ମଧ୍ୟମ ସିଟ୍ ଖାଲି ରଖିବା ଉଚିତ୍ ।