ପାଣି ପିଇବାକୁ ସ୍କୁଲରେ ବାଜିବ 'ୱାଟର ବେଲ'

ଖେଳ ଛୁଟି ଭଳି ପାଣି ପିଇବା ପାଇଁ ବାଜିବ ଘଣ୍ଟି । ଅତ୍ୟଧିକ ତାପମାତ୍ରାରେ ପିଲାଙ୍କ ଶରୀରରେ ଜଳାଭାବ ଦୂର କରିବାକୁ ସ୍କୁଲରେ 'ୱାଟର ବେଲ'ର ଆରମ୍ଭ ହୋଇଛି।

ଥିରୁଅନନ୍ତପୁରମ: ଖେଳ ଛୁଟି ଭଳି ପାଣି ପାଇଁ ବାଜିବ ଆଉ ଏକ ଘଣ୍ଟି। ଆଉ ଏଥିପାଇଁ 3 ଥର ବାଜିବ ଘଣ୍ଟି। ଜଳାଭାବ ଦୂର କରିବା ସହ ପାଣି ପିଇବା ଅଭ୍ୟାସରେ କରାଯିବ ପରିବର୍ତ୍ତନ। ଅତ୍ୟଧିକ ତାପମାତ୍ରା ହେଉ ଅବା ସୁସ୍ଥ ଶରୀର ଗଠନରେ ଏହା ମୁଖ୍ୟ ଭୂମିକା ଗ୍ରହଣ କରିବ। ଏଭଳି ଏକ ଚିନ୍ତାଧାରା ନେଇ କେରଳର ଏକ ଛୋଟିଆ ପଞ୍ଚାୟତର ବିଭିନ୍ନ ସ୍କୁଲରେ ଆରମ୍ଭ ହୋଇଯାଇଛି 'ୱାଟର ବେଲ'।

ଏକ ସୁସ୍ଥ ସମାଜର ଗଠନ ପାଇଁ ଆବଶ୍ୟକୀୟ ଜଳପାନର ଯଥେଷ୍ଟ ଆବଶ୍ୟକତା ରହିଛି। ଏହାକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ଜାରି ହୋଇଛି। ସ୍କୁଲରେ ପାଠ ପଢିବା ସମୟରୁ ପାଣି ପିଇବା ଅଭ୍ୟାସରେ ପରିବର୍ତ୍ତନ ଅଣାଯାଇ ପାରିଲେ ଆଗାମୀ ଦିନରେ ଏକ ସୁସ୍ଥ ସମାଜ ଗଠନ କରାଯାଇ ପାରିବ। ଏହାକୁ ଦୃଷ୍ଟିରେ ରଖି କେରଳର ଚେରୁଭଥରୁ ପଞ୍ଚାୟତର ଏହା ବ୍ୟବସ୍ଥାକୁ କାର୍ଯ୍ୟକାରୀ କରାଯାଇଛି।