ନୂଆଦିଲ୍ଲୀ: ମଙ୍ଗଳବାରଠାରୁ ଖୋଲିଛି ଦିଲ୍ଲୀର ଆଜାଦପୁର ମାର୍କେଟ । ଲୋକଙ୍କ ହିତ ଦୃଷ୍ଟିରୁ ଏପରି ନିଷ୍ପତ୍ତି ନେଇଛନ୍ତି ଦିଲ୍ଲୀ ସରକାର । ସବୁଦିନ ଏହା 24 ଘଣ୍ଟା ଖୋଲା ରହିବ ବୋଲି ଜଣାପଡିଛି ।
ପ୍ରଥମ ଦିନ ଖୋଲିବା ପରେ ପ୍ରବଳ ଭିଡ ଦେଖିବାକୁ ମିଳିଥିଲା । ଅନେକ ଲୋକ ଓ ବେପାରୀ ମାର୍କେଟରେ ଭିଡ ଜମାଇଥିଲେ । ପ୍ରଥମ ଦିନର ସ୍ଥିତି ଅନୁଧ୍ୟାନ ପାଇଁ ଆଜାଦପୁର ହାଟରେ ପହଞ୍ଚିଥିଲେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଜି କିଶାନ ରେଡ୍ଡୀ । ହାଟର ସବୁପ୍ରକାର ସ୍ଥିତି ଅନୁଧ୍ୟାନ କରିଥିଲେ କେନ୍ଦ୍ରମନ୍ତ୍ରୀ । ଲୋକେ ନିୟମ ମାନୁଛନ୍ତି କି ନାହିଁ ଏବଂ ପରିବା କେତେ ମୂଲ୍ୟରେ କିଏ ବିକୁଛି ଏପରି ସବୁର ତଦାରଖ କରିଥିଲେ । କେନ୍ଦ୍ରମନ୍ତ୍ରୀ ପରିଦର୍ଶନବେଳେ ମାସ୍କ ପିନ୍ଧିଥିବା ସହ ସାମାଜିକ ଦୂରତ୍ବ ନେଇ ଲୋକଙ୍କୁ ସଚେତନ କରିଥିଲେ ।