ବେଙ୍ଗାଲୁରୁ: ଅଣ୍ଡରଓ୍ବାର୍ଲଡ ଦୁନିଆର ଜଣାଶୁଣା ଚେହେରା ତଥା ବେଙ୍ଗାଲୁରୁର ଡନ ଏନ ମୁଥପ୍ପା ରାୟର ପରଲୋକ । କ୍ୟାନସରରେ ପିଡୀତ 68 ବର୍ଷୀୟ ମୁଥପ୍ପା ଶୁକ୍ରବାର ଶେଷ ନିଶ୍ବାସ ତ୍ୟାଗ କରିଛି । ଦୀର୍ଘ 30 ବର୍ଷ ଧରି ମୁଥପ୍ପା ବେଙ୍ଗାଲୁରୁର ଅଣ୍ଡରଓ୍ବାର୍ଲଡ ଦୁନିଆରେ ରାଜୁତି କରିଛି ।
ଦକ୍ଷିଣ କନ୍ନଡର ପୁଟ୍ଟୁର ସହରରେ ଜନ୍ମିତ ମୁତପ୍ପା ରାୟ ଖୁବ ଅଳ୍ପ ବୟସରୁ ଅଣ୍ଡରଓ୍ବାର୍ଲଡ ଜଗତରେ ପଦ ଥାପିଥିଲା । ହତ୍ୟା ଓ ଅନ୍ୟାନ୍ୟ ଅପରାଧିକ ମାମଲାରେ କର୍ଣ୍ଣାଟକ ପୋଲିସ ପକ୍ଷରୁ ମୁଥପ୍ପା ବିରୋଧରେ ଗିରଫ ପରଓ୍ବାନା ଜାରି କରାଯାଇଥିଲା ।
2002ରେ ରାୟ ସଂଯୁକ୍ତ ଆରବ ଏମିରେଟରୁ ଭାରତକୁ ନିର୍ବାସିତ ହୋଇଥିଲା | ଏଠାରେ ପହଞ୍ଚିବା ପରେ ତାକୁ କେନ୍ଦ୍ରୀୟ ଅନୁସନ୍ଧାନ ସଂସ୍ଥା (ସିବିଆଇ), ଇଣ୍ଟେଲିଜେନ୍ସ ବ୍ୟୁରୋ (ଆଇବି) ଏବଂ କର୍ଣ୍ଣାଟକ ପୋଲିସ ପଚରାଉଚରା କରିଥିଲେ। ପରେ ପ୍ରମାଣ ଅଭାବରୁ ସେ ନିର୍ଦ୍ଦୋଷରେ ଖଲାସ ହୋଇଥିଲା।