ଗୃହ ରାଜ୍ୟମନ୍ତ୍ରୀ ଜି.କିଶାନ ରେଡ୍ଡୀଙ୍କ ଓ୍ବେବସାଇଟ ହ୍ୟାକ, ପାକିସ୍ତାନର ହାତ ଥିବା ଖୁଲାସା

ସ୍ବାଧୀନତା ଦିବସରେ ଗୃହ ରାଜ୍ୟ ରାଜ୍ୟ ମନ୍ତ୍ରୀ ଜି କିଶାନ ରେଡ୍ଡୀଙ୍କ ବ୍ୟକ୍ତିଗତ ୱେବସାଇଟକୁ ପାକିସ୍ତାନ ହ୍ୟାକରମାନେ ହ୍ୟାକ କରିଥିବା ସୂଚନା । ଅଧିକ ପଢନ୍ତୁ...

ହାଇଦ୍ରାବାଦ: ଗୃହ ରାଜ୍ୟମନ୍ତ୍ରୀ ଜି କିଶାନ ରେଡ୍ଡୀଙ୍କ ବ୍ୟକ୍ତିଗତ ୱେବସାଇଟକୁ ପାକିସ୍ତାନ ହ୍ୟାକରମାନେ ଟାର୍ଗେଟ କରିଥିବା ଖାବର ସାମ୍ନାକୁ ଆସିଛି। ସ୍ବାଧୀନତା ଦିବସରେ ଏହି ୱେବସାଇଟ ହ୍ୟାକ କରାଯାଇଥିଲା ଏବଂ ହ୍ୟାକରମାନେ ପାକିସ୍ତାନ ଏବଂ ମୁକ୍ତ କାଶ୍ମୀର ସମ୍ବନ୍ଧୀୟ ବାର୍ତ୍ତା ରଖିଥିଲେ । ଏହାସହ ଏହି ବାର୍ତ୍ତାରେ ଭାରତ ସରକାରଙ୍କୁ ମଧ୍ୟ ଚେତାବନୀ ଦିଆଯାଇଥିଲା ।

ମଙ୍ଗଳବାର ହାଇଦ୍ରାବାଦରେ ଜି କିଶାନ ରେଡ୍ଡୀଙ୍କ କାର୍ଯ୍ୟାଳୟ ପକ୍ଷରୁ ଏହି ଘଟଣା ସମ୍ପର୍କରେ ସୂଚନା ଦିଆଯାଇଛି । ହ୍ୟାକିଂ ଘଟଣା ପରେ ୱେବସାଇଟ 'ସାମୟିକ ଭାବରେ ଉପଲବ୍ଧ ନାହିଁ' ଏବଂ ଜନସାଧାରଣଙ୍କ ପାଇଁ ଏପର୍ଯ୍ୟନ୍ତ ଉପଲବ୍ଧ ହୋଇପାରି ନାହିଁ ।

ଅଧିକାରୀମାନେ ଏହା ମଧ୍ୟ ଦାବି କରିଛନ୍ତି ଯେ ୱେବସାଇଟରେ କୌଣସି ସରକାରୀ ସମ୍ବନ୍ଧୀୟ ତଥ୍ୟ ନାହିଁ ଏବଂ ମନ୍ତ୍ରୀଙ୍କ ବ୍ୟକ୍ତିଗତ ବିବରଣୀ, ତାଙ୍କର ଜନସାଧାରଣ କାର୍ଯ୍ୟକଳାପ ଏବଂ ରାଜନୈତିକ କାର୍ଯ୍ୟକ୍ରମ ସହିତ ଜଡିତ ତଥ୍ୟ କେବଳ ଅଛି।