ଶ୍ରୀନଗର: ଚଳିତ ଥର ହେବନାହିଁ ଅମରନାଥ ଯାତ୍ରା । ମହାମାରୀ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଅମରନାଥ ଯାତ୍ରାକୁ ରଦ୍ଦ କରିଦିଆଯାଇଛି । ଜମ୍ମୁ ଓ କାଶ୍ମୀରର ଉପରାଜ୍ୟପାଳ ଜିସି ମୁର୍ମୁ ଅମରନାଥ ଯାତ୍ରାକୁ ନେଇ ଗୁରୁତ୍ବପୂର୍ଣ୍ଣ ବୈଠକ ଡକାଇଥିଲେ । ଏଥିରେ ଶ୍ରୀଅମରନାଥ ବୋର୍ଡର ମୁଖ୍ୟ ସଦସ୍ୟଙ୍କ ସହ ଅନ୍ୟାନ୍ୟ ପ୍ରଶାସନିକ ଅଧିକାରୀ ମଧ୍ୟ ସାମିଲ ରହିଥିଲେ । ତେବେ ଦୀର୍ଘ ଘଣ୍ଟାର ଚର୍ଚ୍ଚା ପରେ ଏହି ଯାତ୍ରା ବାତିଲ କରାଯିବା ନେଇ ନିଷ୍ପତ୍ତି ନିଆଯାଇଛି ।
ଅମରନାଥ ଯାତ୍ରା ରଦ୍ଦ ନେଇ ଭିଡିଓ କନଫରେନ୍ସିଂ ଯୋଗେଁ ଆୟୋଜିତ ବୈଠକରେ ନିଷ୍ପତ୍ତି ନିଆଯାଇଥିବା ଜାମ୍ମୁ ଓ କାଶ୍ମୀର ପ୍ରଶାସନର ଜଣେ ବରିଷ୍ଠ ଅଧିକାରୀ ଇଟିଭି ଭାରତକୁ ସୂଚନା ଦେଇଛନ୍ତି । କୋରୋନା ମହାମାରୀର ସଂକ୍ରମଣ ପାଇଁ ଏଥିର ଅମରନାଥ ଯାତ୍ରା ରଦ୍ଦ ନେଇ ବୈଠକରେ ନିଷ୍ପତ୍ତି ହୋଇଥିବା ସେ କହିଛନ୍ତି ।