ନୂଆଦିଲ୍ଲୀ:ମହାମାରୀ ପାଇଁ ଦୀର୍ଘ ଦିନ ହେବ ମେଟ୍ରୋ ସେବା ବନ୍ଦ ରହିଛି। ତେବେ ପରିସ୍ଥିତି ସୁଧୁରୁନଥିବା ବେଳେ ଏହା ଭିତରେ ବିଭିନ୍ନ କାର୍ଯ୍ୟ ଧୀରେ ଧୀରେ ସ୍ବାଭାବିକ କରାଯାଉଛି।
ତେବେ ସେପ୍ଟେମ୍ବର 7 ରୁ ନୋଏଡା ମେଟ୍ରୋ ରେଳ ନିଗମ (NMRC)ମେଟ୍ରୋ ସେବା ପର୍ଯ୍ୟାୟ କ୍ରମେ ଦୁରତ୍ବ ରକ୍ଷା କରି ଆରମ୍ଭ କରାଯିବ ବୋଲି ସୂଚନା ମିଳିଛି। ଗୃହ ମନ୍ତ୍ରଣାଳୟ ଅନଲକ୍ 4 ନିର୍ଦ୍ଦେଶାବଳୀ ପ୍ରକାଶ କରିବା ପରେ ଏହି ଘୋଷଣା କରାଯାଇଛି। "ଅନଲକ୍ -4 ଅଧୀନରେ ଗୃହ ମନ୍ତ୍ରଣାଳୟ ଦ୍ବାରା ଜାରି କରାଯାଇଥିବା ସର୍ବଶେଷ ନିର୍ଦ୍ଦେଶାବଳୀ ଅନୁଯାୟୀ ନୋଏଡା ମେଟ୍ରୋ ରେଳ ନିଗମ (NMRC) ଜନସାଧାରଣଙ୍କ ପାଇଁ ଆକ୍ୱା ଲାଇନରେ 7 ସେପ୍ଟେମ୍ବର 2020 ଠାରୁ ସାମାଜିକ ଦୁରତ୍ବ ସହ ସେବା ଆରମ୍ଭ କରିବ, ଏନଏମଆରସି ଏକ ବିବୃତ୍ତିରେ କହିଛି।