କୋଲକାତା: ସଫଳତାର ଗୋଟିଏ ପରେ ଗୋଟିଏ ପାହାଚ ଚଢିଚାଲିଛି ଭାରତୀୟ ସେନା । ଏହି କ୍ରମରେ ଶୁକ୍ରବାର ନିଜ ଶକ୍ତିରେ ଆଉ ଏକ ସଫଳତା ଯୋଡିଛି ଭାରତୀୟ ନୌସେନା । ଆଇଏନଏସ କୋରାରୁ ଆଣ୍ଟି ସିପ ମିସାଇଲ ଉତକ୍ଷେପଣ କରି ଭାରତୀୟ ନୌସେନା ରଚିଛି ଇତିହାସ ।
ଶୁକ୍ରବାର ପଶ୍ଚିମବଙ୍ଗର ଖାଡିରେ ଆଣ୍ଟି ସିପ ମିସାଇଲର ସଫଳ ଉତକ୍ଷେପଣ ହୋଇଛି । ସୂଚନା ଅନୁଯାୟୀ ଏହି ମିସାଇଲ ସଠିକ ଭାବେ ଲକ୍ଷ ଭେଦ କରିଥିବା ବେଳେ ଟାର୍ଗେଟକୁ ସମ୍ପୂର୍ଣ୍ଣ ଧ୍ବଂସ କରିଦେଇଛି ।
ଭାରତୀୟ ନୌସେନା ନିଜ ବୟାନରେ କହିଛି ଯେ ଆଇଏନଏସ କୋରାରୁ ଉତକ୍ଷେପଣ ହୋଇଥିବା ମିସାଇଲ ସବୁଠୁ ଅଧିକ ରେଞ୍ଜର ଏବଂ ଏହା ସଠିକ ଭାବରେ ଲକ୍ଷ ଭେଦ କରିଛି । ଆଇଏନଏସ କୋରା ହେଉଛି କୋରା ଶ୍ରେଣୀର ଯୁଦ୍ଧ ଜାହାଜ । ଏହିଭଳି ମିସାଇଲ ଉତକ୍ଷେପଣ ପାଇଁ ଏହି ଯୁଦ୍ଧ ଜାହାଜର ବ୍ୟବହାର କରାଯାଏ । ଏହାକୁ 1998ରେ ଭାରତୀୟ ନୌସେନାରେ ସାମିଲ କରାଯାଇଥିଲା ।
କୋରୋନା ଯୁଦ୍ଧ ଜାହାଜର ଡିଜାଇନ ଭାରତୀୟ ନୌସେନାର ପ୍ରୋଜେକ୍ଟ 25 ଏ ଆଧାରରେ କରାଯାଇଥିଲା । ଏଥିରେ KH-35 ଆଣ୍ଟି ସିପ ମିସାଇଲ ନିୟୋଜିତ କରାଯାଇଛି । ଭାରତୀୟ ନୌସେନା ପାଖରେ ଏଭଳି 3ଟି ଯୁଦ୍ଧ ଜାହାଜ ରହିଛି । ଏଗୁଡିକ ହେଉଛି-ଆଏଏନଏସ କିର୍ଚ, ଆଇଏନଏସ କୁଳିଶ ଓ ଆଇଏନଏସ କରମୁକ ।