ମୁମ୍ବାଇ: ମହାରାଷ୍ଟ୍ର ଆଡକୁ ମାଡିଆସୁଛି ବାତ୍ୟା ନିସର୍ଗ । କୋରୋନା ଭାଇରସରେ ମୁମ୍ବାଇ ସହର ଜୁଝି ହେଉଥିବାବେଳେ ବାତ୍ୟା ନିସର୍ଗ କଳା ବାଦଳ ଘୋଟି ଆସୁଛି । ତେବେ ବୁଧବାର ଅପରାହ୍ନରେ ସ୍ଥଳଭାଗ ଛୁଇଁବା ନେଇ ଆକଳନ କରାଯାଉଥିବାବେଳେ ଘଣ୍ଟା ପ୍ରତି ପବନର ବେଗ 120 କିମି ରହିବ । ମାତ୍ର ନିସର୍ଗ ଲ୍ୟାଣ୍ଡଫଲ କରିବା ପୂର୍ବରୁ ହିଁ ଏହା ପ୍ରଭାବରେ ଗତକାଲି ରାତିଠାରୁ ପ୍ରବଳ ବର୍ଷା ପବନ ହେବା ଆରମ୍ଭ ହୋଇଯାଇଛି ।
ପାଣିପାଗ ବିଭାଗର ସୂଚନା ଅନୁସାରେ, ଯେତେବେଳେ ବାତ୍ୟା ସ୍ଥଳଭାଗରେ ଲ୍ୟାଣ୍ଡଫଲ କରିବ, ସେତେବେଳେ ସମୁଦ୍ର ପତ୍ତନ ଠାରୁ ପ୍ରାୟ 6 ଫୁଟରୁ ଉର୍ଦ୍ଧ୍ବ ଉଚ୍ଚତାର ଲହରୀ ଉଠିବ । ଯାହାକୁ ଦେଖି ସୁରକ୍ଷା ପାଇଁ ମୁମ୍ବାଇରେ 80 ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି ।