ୱାଶିଂଟନ: ଦକ୍ଷିଣ କେରୋଲିନାରେ ଏକ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦିଙ୍କର ଭୂରି ଭୂରି ପ୍ରଶଂସା କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଭାରତ ଗସ୍ତ ପରେ ଏବେ ଭିଡକୁ ନେଇ ଆଉ ଉତ୍ସାହିତ ହୋଇପାରୁନାହାଁନ୍ତି ସେ। ଅହମ୍ମଦାବାଦ ମୋଟେରା ଷ୍ଟାଡିୟମରେ ଭିଡ଼ ଦେଖିବା ପରେ ମାତ୍ର ପନ୍ଦର ହଜାର ଲୋକଙ୍କ ରାଲିକୁ ସମ୍ବୋଧିତ କରି ଉତ୍ସାହିତ ହେବା କଷ୍ଟକର ବୋଲି ଟ୍ରମ୍ପ କହିଛନ୍ତି ।
ରାଲିରେ ପ୍ରଧାନମନ୍ତ୍ରୀ ମୋଦିଙ୍କ ପ୍ରଶଂସା କରି ଟ୍ରମ୍ପ କହିଛନ୍ତି, ମୁଁ ଭାରତର ପ୍ରଧାନମନ୍ତ୍ରୀ ମୋଦିଙ୍କ ସହ ଥିଲି। ସେ ଜଣେ ମହାନ ବ୍ୟକ୍ତି ଏବଂ ଭାରତର ଲୋକମାନେ ତାଙ୍କୁ ଖୁବ ଭଲ ପାଆନ୍ତି | ଆଜି ଏହି ସଭାରେ ମଧ୍ୟ ଅନେକ ଲୋକ ଅଛନ୍ତି । କିନ୍ତୁ ମୁଁ ଯେଉଁ ସ୍ଥାନ ବୁଲିକି ଆସିଛି ସେଠାରେ ବହୁ ସଂଖ୍ୟକ ଲୋକ ଥିଲେ । ମୋଟେରା ଷ୍ଟାଡିୟମରେ ପ୍ରାୟ 1 ଲକ୍ଷ ଲୋକଙ୍କୁ ସମ୍ବୋଧିତ କରିବା ପରେ ଏବେ ଏତେ କମ ସଂଖ୍ୟକ ଭିଡକୁ ଦେଖି ମୁଁ ଉତ୍ସାହିତ ହୋଇପାରୁନି ବୋଲି ଟ୍ରମ୍ପ କହିଛନ୍ତି ।