ନୂଆଦିଲ୍ଲୀ: ନ୍ୟାସନାଲ କନଫରେନ୍ସ ସଭାପତି ଫାରୁକ୍ ଅବଦୁଲ୍ଲା ସୋମବାର ଠାରୁ ସଂସଦର ମୌସୁମୀ ଅଧିବେଶନରେ ଯୋଗଦେବେ । ଅଗଷ୍ଟ 5, 2019 ରେ ଜମ୍ମୁ କାଶ୍ମୀରର ସ୍ବତନ୍ତ୍ର ମାନ୍ୟତା ଧାରା 370 ଉଚ୍ଛେଦ ପରେ ପ୍ରଥମ ଥର ଫାରୁକ୍ ଅବଦୁଲ୍ଲା ସଂସଦରେ ଯୋଗ ଦେବେ । ଧାରା 370 ଉଚ୍ଛେଦ ହେବା ସମୟରେ ଫାରୁକଙ୍କୁ ଗୃହବନ୍ଦୀ ଭାବେ ରଖାଯାଇଥିଲା ।
ଏହାକୁ ନେଇ ସେ କହିଛନ୍ତି, ‘ହଁ, ମୁଁ ସଂସଦରେ ଯୋଗଦେବାକୁ ଯାଉଛି। ଯଦିଓ ପ୍ରଶ୍ନ ପଚାରିବା ପାଇଁ କୌଣସି ବ୍ୟବସ୍ଥା ରଖାଯାଇ ନାହିଁ ତଥାପି ଆମକୁ ପ୍ରତିଦିନ ଚାରି ଘଣ୍ଟା ବସିବାକୁ ପଡିବ । ତଥାପି ମୁଁ ସମସ୍ତ ପ୍ରସଙ୍ଗ ଉଠାଇବି’ । ପ୍ରକାଶଥାଉକି, ଗତ ବର୍ଷ ଧାରା 370 ଉଚ୍ଛେଦ ଉପରେ ବିତର୍କ ବେଳେ ଅନେକ ବିରୋଧୀଦଳ ନେତା ଦାବି କରିଥିଲେ ଯେ ଜଣେ ଅଭିଜ୍ଞ ସଂସଦୀୟ ଅବଦୁଲ୍ଲାଙ୍କୁ ସଂସଦରେ ଯୋଗଦେବାକୁ ଅନୁମତି ଦିଅନ୍ତୁ।