ନୂଆଦିଲ୍ଲୀ: ନାରାୟଣୀ ଇନଭେଷ୍ଟମେଣ୍ଟ ପ୍ରାଇଭେଟ ଲିମିଟେଡ ବିରୋଧରେ ମାମଲା ରୁଜୁ କଲା ଦିଲ୍ଲୀ ପୋଲିସର ଆର୍ଥିକ ଅପରାଧ ଶାଖା (ଇଓଡବ୍ଲୁ) । 300 କୋଟି ଟଙ୍କା ଆର୍ଥିକ ହେରଫେର କରିବା ଅଭିଯୋଗରେ ମାମଲା ରୁଜୁ କରିଛି ଇଓଡବ୍ଲୁ ।
ଇଓଡବ୍ଲୁ, ନାରାୟଣୀ ଇନଭେଷ୍ଟମେଣ୍ଟ ପ୍ରାଇଭେଟ ଲିମିଟେଡର ନିର୍ଦ୍ଦେଶକ ଓ ମାଲିକଙ୍କ ବିରୋଧରେ ଏହି ମାମଲା ରୁଜୁ କରିଛି । ଦିଲ୍ଲୀର ଜଣେ ଡାକ୍ତରଙ୍କ ଅଭିଯୋଗ କ୍ରମେ ଏହି ମାମଲା ରୁଜୁ କରାଯାଇଛି । ଏହି ମାମଲା ୟେସ ବ୍ୟାଙ୍କରୁ ହସ୍ପିଟାଲ ତିଆରି କରିବା ପାଇଁ 300 କୋଟି ଟଙ୍କା ଋଣ ନେଇ ଏହାର ହେରଫେର କରିବାର ଅଭିଯୋଗ ସହିତ ଜଡିତ ଅଛି ।