ନୂଆଦିଲ୍ଲୀ: ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ଦୃତ ଗତିରେ ବଢୁଥିବା ବେଳେ ସୁସ୍ଥହାର ମଧ୍ୟ ସେହି ଅନୁପାତରେ ବୃଦ୍ଧି ହେବାରେ ଲାଗିଛି । ତେବେ ଦେଶରେ ଆଜି ଆକ୍ରାନ୍ତଙ୍କ ସଂଖ୍ୟା ୩୧ ଲକ୍ଷ ଟିପିଥିବା ବେଳେ ସୁସ୍ଥହାର 75 ପ୍ରତିଶତ ପାର ହୋଇଛି । ଦେଶରେ କୋରୋନାରୁ 23,38,000 ରୁ ଅଧିକ ସୁସ୍ଥ ହୋଇ ପୁନରୁଦ୍ଧାର ହାର 75.27 ପ୍ରତିଶତକୁ ବୃଦ୍ଧି ପାଇଛି ବୋଲି କେନ୍ଦ୍ର ସରକାର ସୂଚନା ଦେଇଛନ୍ତି । ମୋଟାମୋଟି ଭାବେ, ଗତ 24 ଘଣ୍ଟା ମଧ୍ୟରେ 57,469 ଲୋକ କୋରୋନାରୁ ଆରୋଗ୍ୟ ହୋଇଛନ୍ତି। ଦେଶରେ କୋଭିଡ୍ ରୋଗୀଙ୍କ ପୁନରୁଦ୍ଧାର ହାର, ସକ୍ରିୟ ମାମଲାର ତିନି ଗୁଣରୁ ଅଧିକ ଅଟେ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ।
ଦେଶରେ କୋଭିଡ୍ ସୁସ୍ଥ ହାର 75.27 ପ୍ରତିଶତକୁ ବୃଦ୍ଧି
ଦେଶରେ କୋରୋନା ସକ୍ରିୟ ମାମଲାର ତିନି ଗୁଣରୁ ଅଧିକ ସୁସ୍ଥହାର । ଆଜି ଆକ୍ରାନ୍ତଙ୍କ ସଂଖ୍ୟା ୩୧ ଲକ୍ଷ ଟିପିଥିବା ବେଳେ ସୁସ୍ଥହାର 75 ପ୍ରତିଶତ ପାର ହୋଇଛି । ଦେଶରେ କୋରୋନାରୁ 23,38,000 ରୁ ଅଧିକ ସୁସ୍ଥ ହୋଇ ପୁନରୁଦ୍ଧାର ହାର 75.27 ପ୍ରତିଶତକୁ ବୃଦ୍ଧି ପାଇଛି ବୋଲି କେନ୍ଦ୍ର ସରକାର ସୂଚନା ଦେଇଛନ୍ତି । ଅଧିକ ପଢନ୍ତୁ...
ଦେଶରେ କୋଭିଡ୍ ସୁସ୍ଥ ହାର 75.27 ପ୍ରତିଶତକୁ ବୃଦ୍ଧି, ସକ୍ରିୟ ମାମଲାର ତିନି ଗୁଣରୁ ଅଧିକ ସୁସ୍ଥହାର
ଗତ ୨୪ ଘଣ୍ଟା ମଧ୍ୟରେ ଦେଶରେ ୬୧୪୦୮ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଏଥିଯୋଗୁଁ ମୋଟ୍ ଆକ୍ରାନ୍ତଙ୍କ ସଂଖ୍ୟା ୩୧ ଲକ୍ଷ ୬ ହଜାର ୩୪୮ରେ ପହଞ୍ଚିଯାଇଛି। ସେହିଭଳି ଗତ ୨୪ ଘଣ୍ଟା ମଧ୍ୟରେ ଦେଶରେ କୋରୋନା ୮୩୬ଜଣଙ୍କର ପ୍ରାଣ ନେଇଛି । ଫଳରେ ମୃତ୍ୟୁ ସଂଖ୍ୟା 57,542 କୁ ବୃଦ୍ଧି ପାଇଛି । ଦେଶରେ କୋରୋନା ସଂକ୍ରମଣର 7,10,771 ସକ୍ରିୟ ମାମଲା ଅଛି ଯାହା ସମୁଦାୟ ମାମଲାର 22.88 ପ୍ରତିଶତ ଅଟେ ।
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ଅନୁଯାୟୀ ଗତ 24 ଘଣ୍ଟା ମଧ୍ୟରେ 6 ଲକ୍ଷରୁ ଅଧିକ ପରୀକ୍ଷା କରାଯାଇଛି। କୋରୋନାଭାଇରସ୍ ସଂକ୍ରମଣ ପାଇଁ ପରୀକ୍ଷିତ ମୋଟ ନମୁନା ସଂଖ୍ୟା ବର୍ତ୍ତମାନ ପର୍ଯ୍ୟନ୍ତ 3 କୋଟି 59 ଲକ୍ଷରେ ପହଞ୍ଚିଛି ।