ନୂଆଦିଲ୍ଲୀ: ଦେଶରେ କୋରୋନା ପଜିଟିଭଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇ 316ରେ ପହଞ୍ଚିଛି । ଶନିବାର ମହାରାଷ୍ଟ୍ରରେ 12ଟି ନୂଆ କୋରୋନା ପୀଡିତ ଚିହ୍ନଟ ହୋଇଥିବା ବେଳେ ମୋଟ ପୀଡିତଙ୍କ ସଂଖ୍ୟା 72ରେ ପହଞ୍ଚିଛି । ସେହିପରି କେରଳରେ ମୋଟ କୋରୋନା ପୀଡିତଙ୍କ ସଂଖ୍ୟା 52ରେ ପହଞ୍ଚିଛି ।
ଅନ୍ୟପକ୍ଷରେ କର୍ଣ୍ଣାଟକରେ ଏହି ସଂଖ୍ୟା 15ରେ ପହଞ୍ଚିଥିବା ବେଳେ ତାମିଲନାଡୁରେ 3 ଜଣ, ତେଲେଙ୍ଗାନାରେ 21ଜଣ, ଗୁଜୁରାଟରେ 7ଜଣ, ରାଜସ୍ଥାନରେ 18 ଜଣ କୋରୋନାରେ ପୀଡିତ ରହିଥିବା ସୂଚନା ମିଳିଛି। ଏହାସହ ଦେଶରେ ମୋଟ କୋରୋନା ପଜିଟିଭ ସଂଖ୍ୟା 3ଶହ ଟପିଛି ।