ହାଇଦ୍ରାବାଦ: ବର୍ତ୍ତମାନ ଦେଶବ୍ୟାପୀ ପ୍ରବାସୀ ଶ୍ରମିକଙ୍କୁ ନିଜ ଘରକୁ ଫେରାଇବାର ବ୍ୟବସ୍ଥା କରୁଛନ୍ତି ସମସ୍ତ ରାଜ୍ୟ ସରକାର । ବସ ପରେ ଏଥିପାଇଁ ବିଭିନ୍ନ ଜାଗାରୁ ଆସୁଛି ସ୍ବତନ୍ତ୍ର ଟ୍ରେନ । ଏବେ ଏହି ତାଲିକାରେ ସାମିଲ ହୋଇଛନ୍ତି ତେଲେଙ୍ଗାନା ସରକାର ।
ଏନେଇ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଘୋଷଣା କରିଛନ୍ତି । ରାଜ୍ୟରେ ଥିବା ସମସ୍ତ ପ୍ରବାସୀ ଶ୍ରମିକଙ୍କୁ ପୂର୍ବରୁ ସବୁ ପ୍ରକାର ସାହାଯ୍ୟ ଯୋଗାଇଥିବାବେଳେ ଏବେ ସେମାନଙ୍କ ନିଜ ରାଜ୍ୟକୁ ପଠାଇବାର ବ୍ୟବସ୍ଥା କରିଛନ୍ତି । ଏଥିପାଇଁ ପ୍ରତିଦିନ 40ଟି ସ୍ବତନ୍ତ୍ର ଟ୍ରେନ ସବୁ ରାଜ୍ୟକୁ ଗଡିବ ବୋଲି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଘୋଷଣା କରାଯାଇଛି ।