ନୂଆଦିଲ୍ଲୀ: କୋଭିଡ-19 ବିରୋଧରେ ଚାଲିଥିବା ଲଢେଇରେ ବିଦେଶରୁ ଅକ୍ସିଜେନ ପହଞ୍ଚାଇବା ପାଇଁ ଆରମ୍ଭ ହେବାକୁ ଯାଉଛି ମିଶନ ‘ସମୁଦ୍ର ସେତୁ-2’ । ଏହି ଅଭିଯାନର ମୁଖ୍ୟ ଆଧାର ହେବ ଭାରତୀୟ ନୌସେନା । ତେବେ ଏହି ସାମୁଦ୍ରିକ ମିଶନ ପାଇଁ ଭାରତୀୟ ନୌସେନାର 7 ଯୁଦ୍ଧା ଜାହାଜ ସମ୍ପୂର୍ଣ୍ଣ ପ୍ରସ୍ତୁତ ହୋଇ ମୁତୟନ ହୋଇଥିବା ସୂଚନା ରହିଛି ।
ଅଂଶ ଗ୍ରହଣ କରିବାକୁ ଥିବା 7 ଜାହାଜ ମଧ୍ୟରେ ଆଇଏନଏସ କୋଲକାତା, ଆଇଏନଏସ କୋଚି, ଆଇଏନଏସ ତାଲୱାର, ଆଇଏନଏସ ତାବର, ଆଇଏନଏସ ତ୍ରିକନ୍ଦ, ଆଇଏନଏସ ଜାଳେଶ୍ବର ଏବଂ ଆଇଏନଏସ ଐରାବତ ଅଂଶ ଗ୍ରହଣ କରିବାକୁ ପୂର୍ଣ୍ଣ ପ୍ରସ୍ତୁତ ହୋଇଛନ୍ତି । ବିଭିନ୍ନ ଦେଶରୁ ମେଡିକାଲ୍ ଅକ୍ସିଜେନ ଭର୍ତ୍ତି କ୍ରିଏଜେନିକ୍ ଟ୍ୟାଙ୍କର ଏବଂ ଆନୁଷଙ୍ଗିକ ଚିକିତ୍ସା ଉପକରଣ ଦେଶକୁ ଆଣିବା ଏହି ସାମୁଦ୍ରିକ ଅଭିଯାନର ମୁଖ୍ୟ ଲକ୍ଷ୍ୟ ।
‘ସମୁଦ୍ର ସେତୁ-2’ ଅଭିଯାନରେ ବିଦେଶରୁ ଆସିବ ଅକ୍ସିଜେନ ,7 ନୌସେନା ଜାହଜ ପ୍ରସ୍ତୁତ