ଭୁବନେଶ୍ବର:ଭୀଷଣ ବାତ୍ୟା ହୋଇ ଓଡ଼ିଶାରେ ସ୍ଥଳଭାଗ ଛୁଇଁବ ବାତ୍ୟା ଦାନା । ପୂର୍ବ କେନ୍ଦ୍ରୀୟ ପଶ୍ଚିମ ବଙ୍ଗୋପ ସାଗରରେ ଏହା ସକ୍ରିୟ ରହିଛି । ଏହା ଗତ ୬ ଘଣ୍ଟାରେ ଘଣ୍ଟାପ୍ରତି ୧୨ କିମି ବେଗରେ ଉତ୍ତର ପଶ୍ଚିମ ଦିଗରେ ଅଗ୍ରସର ହେଉଛି । ପାରାଦ୍ବୀପ ଠାରୁ ୪୬୦ କିମି ଦୂରରେ ଏହା ଦକ୍ଷିଣ ପୂର୍ବ ଦିଗରେ କେନ୍ଦ୍ରୀଭୂତ ହେଉଛି । ସେହିପରି ଧାମରାରୁ ୪୯୦ କିମି ଦୂରରେ ଓ ସାଗର ଆଇଲାଣ୍ଡ ବା ପଶ୍ଚିମବଙ୍ଗ ଠାରୁ ୫୪୦ କିମି ଦୂରରେ ଦକ୍ଷିଣ ଦକ୍ଷିଣ ପୂର୍ବ କେନ୍ଦ୍ରୀଭୂତ ହୋଇଛି ।
ଭିତରକନିକା ଓ ଧାମରା ମଧ୍ୟରେ ସ୍ଥଳଭାଗ ଛୁଇଁବ:
ବାତ୍ୟା 'ଦାନା' ଉତ୍ତର-ପଶ୍ଚିମ ମୁହାଁ ହୋଇ ଗତି କରୁଛି ।ଏହା ଅଧିକ ଘନୀଭୂତ ହୋଇ ପୁରୀ ଓ ସାଗର ଆଇଲାଣ୍ଡ ହୋଇ ଆସନ୍ତା ୨୪ ତାରିଖ ରାତି ଏବଂ ୨୫ ତାରିଖ ସକାଳ ସୁଦ୍ଧା ଭିତରକନିକା ଓ ଧାମରା ମଧ୍ୟରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି । ଭୀଷଣ ବାତ୍ୟାର ରୂପ ନେଇ ଏହା ଗତି କରିବା ସହ ପବନର ବେଗ ୧୦୦ ରୁ ୧୧୦ ପବନ ସହ ୧୨୦ କିଲୋମିଟର ଝଟକା ପବନ ରହିବ । ୨୪ ତାରିଖ ରାତି ଓ ୨୫ ତାରିଖ ସକାଳ ସୁଦ୍ଧା ଏହା ସ୍ଥଳଭାଗ ଛୁଇଁବ ବୋଲି ଆକଳନ କରିଛି ପାଣିପାଗ ବିଭାଗ ।
ସ୍ଥଳଭାଗ ଛୁଇଁଛି ବାତ୍ୟାର ବାହ୍ୟ ବଳୟ:
ଆଜି ସ୍ଥଳଭାଗ ଛୁଇଁଛି ବାତ୍ୟାର ବାହ୍ୟ ବଳୟ । ଭଦ୍ରକ ଓ କେନ୍ଦ୍ରାପଡାରେ ଏହାର ପ୍ରାଥମିକ ପ୍ରଭାବ ଦେଖିବାକୁ ମିଳିଥିବାବେଳେ ରାଜ୍ୟରେ କିଛି ଅଞ୍ଚଳରେ ବର୍ଷା ଜାରି ରହିଛି । ପାରାଦ୍ବୀପରୁ ରାଡାରରୁ ମିଳିଥିବା ତଥ୍ୟରୁ ଏହି ସୂଚନା ମିଳିଛି । ପ୍ରଭାବରେ ଉତ୍ତର ଓଡ଼ିଶାର କିଛି ଜିଲ୍ଲାରେ ଆରମ୍ଭ ହୋଇଛି ବର୍ଷା, ବଢ଼ିଛି ପବନର ବେଗ । ସମୁଦ୍ର ଅଶାନ୍ତ ରହିଛି । ପୁରୀ, ଧାମରା,ପାରାଦ୍ବୀପ ବନ୍ଦର ପାଇଁ ୧୦ ନମ୍ବର ବିପଦ ସଙ୍କେତ ଜାରି ହୋଇଥିବା ବେଳେ ଗୋପାଳପୁରକୁ ଜାରି ହୋଇଛି ୮ ନମ୍ବର ବିପଦ ସଙ୍କେତ ।
୨୪ ତାରିଖର କେଉଁ କେଉଁ ଜିଲ୍ଲାକୁ ଆର୍ଲଟ ?
୨୪ ତାରିଖରୁ ସାରା ରାଜ୍ୟରେ ବିସ୍ତୃତି ବର୍ଷା ହେବା ସହ ଭୀଷଣ ବର୍ଷାକୁ ନେଇ ଜଗସିଂପୁର, କେନ୍ଦ୍ରାପଡ଼ା , କଟକ, ଭଦ୍ରକ, ବାଲେଶ୍ୱର, ଯାଜପୁର, ମୟୁରଭଞ୍ଜକୁ ରେଡ୍ ଆଲର୍ଟ ଜାରି ହୋଇଛି । ପ୍ରବଳରୁ ଅତି ପ୍ରବଳ ପାଇଁ ପୁରୀ, ଖୋର୍ଦ୍ଧା, କେନ୍ଦୁଝର, ନୟାଗଡ, ଢେଙ୍କାନାଳରେ ଅରେଞ୍ଜ ୱାର୍ଣ୍ଣିଂ ସହ ପ୍ରବଳ ବର୍ଷା ପାଇଁ ଗଞ୍ଜାମ, ବୌଦ୍ଧ, ଅନୁଗୁଳ, ଦେଓଗଡ, ସୁନ୍ଦରଗଡ, କନ୍ଧମାଳରେ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।
୨୫ ତାରିଖର କେଉଁ ଜିଲ୍ଲାକୁ ରେଡ୍ ଆର୍ଲଟ ?