କଟକ: ହାଇପ୍ରୋଫାଇଲ ଠକେଇ ତରିକା । ଗିରଫ ହେଲା ଥାଇଲାଣ୍ଡ ସାଇବର ଠକ । ବିଦେଶରେ ବସି କରୁଥିଲା ସାଇବର ଠକେଇ । ଫୋରଏକ୍ସ କମ୍ପାନୀ କହି ଲୋକଙ୍କଠୁ ଇନଭେଷ୍ଟ ନାଁରେ ଲୁଟିଥିଲା କୋଟି କୋଟି ଟଙ୍କା । ପ୍ରଥମେ ଇନଭେଷ୍ଟ ଟଙ୍କାର ଫେରସ୍ତ ସଠିକ ଢ଼ଙ୍ଗରେ କରି ଲୋକଙ୍କୁ ଲଗାଉଥିଲା ଚୂନ । ଏହାପରେ ଖେଳିଥିଲା ତାର ପ୍ରକୃତ ଖେଳ । ଫେକଆପ୍ ଜରିଆରେ ଟଙ୍କା ନେବା ସହ ଲୋକଙ୍କୁ ଆଶ୍ବସନା ଦେବା ପର, ସମୟ ଗଡ଼ିବା ପରେ ଦେଖାଇଥିଲା ତାର ଅସଲ ଚେହେରା । ଏପରିକି ୬ ଜଣ ବ୍ୟକ୍ତିଙ୍କୁ ବିଦେଶ ଯାତ୍ରା କରିବା ବାହାନାରେ ଥାଇଲାଣ୍ଡ ଡାକି ସେମାନଙ୍କ ବିଶ୍ୱାସ ଜିତି କରିଥିଲା ଲୁଟ ।
୧୦ ଲକ୍ଷ ଟଙ୍କା ଇନଭେଷ୍ଟ ପରେ କାମ ଦେଲାନି ଆପ୍:
ଯେତେବେଳେ ଅଭିଯୋଗକାରୀ ୧୦ ଲକ୍ଷ ଟଙ୍କା ଇନଭେଷ୍ଟ କରିବା ପରେ ସେହି ଆପଟି ବନ୍ଦ ହୋଇଗଲା ଓ ସବୁ ଟଙ୍କା ଆଖି ପିଛୁଳାକେ ଚଳୁ କରିଥିଲା ଠକ । ଏନେଇ କଟକର ସାଇବର ଥାନାରେ ମାମଲା ହେବା ପରେ ତଦନ୍ତ ଆରମ୍ଭ କରିଥିଲା ପୋଲିସ । ବିଭିନ୍ନ ଲିଙ୍କ୍ ଜରିଆରେ ଅଭିଯୁକ୍ତକୁ ରାୟଗଡାରୁ ଗିରଫ କରିବାରେ ସଫଳ ହୋଇଥିଲା ପୋଲିସ । ଅଭିଯୁକ୍ତ ଜଣକ ହେଉଛି ସୁରେନ୍ଦ୍ର ସାହୁ ଶ୍ବଶୁର ଘରକୁ ଆସିଥିଲା ବେଳେ ହ୍ୟାଣ୍ଡକପ ପକାଇଲା ପୋଲିସ । ଏହି ଘଟଣାରେ ଅଭିଯୁକ୍ତ ସୁରେନ୍ଦ୍ରଙ୍କ ସହଯୋଗୀଙ୍କୁ ପୋଲିସ ତଦନ୍ତ ରାଡ଼ାର ମଧ୍ୟରେ ରଖିଛି । ସେମାନଙ୍କୁ ଶୀଘ୍ର ଗିରଫ କରାଯିବ ବୋଲି କହିଛନ୍ତି କଟକ ଡିସିପି ।
ଏପରି କହିଲେ କଟକ ଡିସିପି:
ଏନେଇ କଟକ ଡିସିପି ଜଗମୋହନ ମୀନାକହିଛନ୍ତି," ସାଇବର ଥାନାରେ ଗତ 20/12/2024 ଦିନ ଗୋଟିଏ ମାଲଲା ରୁଜୁ ହୋଇଥିଲା ଯାହାର କେସ ନଂ ୯୯ । ଗୋଟିଏ ଲୋକ ଥାଇଲାଣ୍ଡରେ ବସି ଫେକ୍ କମ୍ପାନୀ ଖୋଲିଥିଲା । ଯାହାର ନାମ ଫୋରଏକ୍ସ ରଖିଥିଲା ଏବଂ ଗୋଟିଏ ଫେକଆପ୍ ମଧ୍ୟ କରିଥିଲା ।ଯେଉଁଥିରେ ଲୋକମାନେଙ୍କୁ ମୋଟାଅଙ୍କର ଟଙ୍କା ଲଗାଇବା ପାଇଁ ବିଭିନ୍ନ ପ୍ରଲୋଭନ ଦେଖାଉଥିଲା ଏବଂ କମ ସମୟ ମଧ୍ୟରେ ଅଧିକ ସୁଧ ଦେଇଥିଲା ।ଏପରିକି ୬ ଜଣ ବ୍ୟକ୍ତିଙ୍କୁ ବିଦେଶ ଯାତ୍ରା କରିବା ବାହାନାରେ ଥାଇଲାଣ୍ଡ ଡାକି ସେମାନଙ୍କ ବିଶ୍ୱାସ ଜିତିଥିଲା । "