ପୁରୀ:ରାଜ୍ୟରେ ସରକାର ବଦଳିବା ପରେ ଅନେକ ପ୍ରକାର ଅବ୍ୟବସ୍ଥା ସାମ୍ନାକୁ ଆସିଛି । ଶ୍ରୀମନ୍ଦିର ଚତୁଃପାଶ୍ୱର୍ରୁ ଲାଇଟ କଢ଼ା ଯାଇଥିବା ଚର୍ଚ୍ଚା ଥମିନଥିବା ବେଳେ ବର୍ତ୍ତମାନ ଆଉ ଏକ ଖବର ସାମ୍ନାକୁ ଆସିଛି । ସରକାର୍ ବଦଳିବା ପରେ ମହାପ୍ରଭୁ ଶ୍ରଜଗନ୍ନାଥଙ୍କ ବିଭିନ୍ନ ବେଶକୁ ନେଇ ଅନୁଷ୍ଠିତ ହେଉଥିବା ପ୍ରଦର୍ଶନୀକୁ ହଠାତ୍ ବନ୍ଦ କରିଦିଆଯାଇଛି । ପୁରୀରେ ପୁଣି ଏଭଳି ଚିନ୍ତାଜନକ ଘଟଣା ଦେଖିବାକୁ ମିଳିଛି । ଜଗନ୍ନାଥ୍ ବଲ୍ଲଭ ପାର୍କିଂରେ ଚାଲିଥିବା ମହାପ୍ରଭୁଙ୍କ ବିଭିନ୍ନ ବେଶ୍ ପ୍ରଦର୍ଶନୀ କାର୍ଯ୍ୟକ୍ରମକୁ ବନ୍ଦ କରିଦିଆଯାଇଛି । ଏହାକୁ ନେଇ ଜଗନ୍ନାଥ ପ୍ରେମୀ ମହଲରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି ।
ସରକାର ବଦଳିବା ପରେ ମହାପ୍ରଭୁଙ୍କ ପ୍ରଦର୍ଶନୀ ବନ୍ଦକୁ ନେଇ ଭକ୍ତ କ୍ଷୋଭ ପ୍ରକାଶ କରିଛନ୍ତି । ତୁରନ୍ତ ପୂର୍ବଭଳି ମହାପ୍ରଭୁଙ୍କ ବେଶ ପ୍ରଦର୍ଶନୀକୁ ଭକ୍ତଙ୍କ ପାଇଁ ଜାରି ରଖିବାକୁ ଭକ୍ତ ଦାବି କରିଛନ୍ତି । ଗତ ଜାନୁଆରୀ 17 ତାରିଖରେ ଶ୍ରୀମନ୍ଦିର ପରିକ୍ରମା ମାର୍ଗ ପ୍ରକଳ୍ପକୁ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିଥିଲେ । ଶ୍ରୀମନ୍ଦିର ପରିକ୍ରମା ମାର୍ଗ ଉଦଘାଟନକୁ ନେଇ ଅନେକ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଦେଶ ବିଦେଶରୁ ଆସୁଥିବା ଭକ୍ତଙ୍କୁ ଆକୃଷ୍ଟ କରିବା, ଜଗନ୍ନାଥ୍ ସଂସ୍କୃତି ବିଷୟରେ ଜଣେଇବା ପାଇଁ ଶ୍ରୀଜଗନ୍ନାଥ ବଲ୍ଲଭ ପରିସରରେ ଏକ ପ୍ରଦର୍ଶନୀ ଆୟୋଜନ ହୋଇଥଲା । ମହାପ୍ରଭୁ ବିଭିନ୍ନ ବେଶ, ନୀତିକ୍ରାନ୍ତିର ସୂଚନା ସହ ତିନି ରଥର ପ୍ରତିକୃତି ସହିତ ପରିକ୍ରମା ପ୍ରକଳ୍ପର ପ୍ରତିକୃତିକୁ ମଧ୍ୟ ସ୍ଥାନ ଦିଆଯାଇଥିଲା । ଏହାକୁ ଦେଖି ଭକ୍ତ ବେଶ୍ ଆନନ୍ଦିତ ହେଉଥିଲେ ।