ହାଇଦ୍ରାବାଦ:ଦିୱାଲୀ ଅବସରରେ 'ସିଙ୍ଘମ ଏଗେନ ଏବଂ ଭୁଲ ଭୁଲେୟା 3' ମୁକ୍ତିଲାଭ କରିଥିଲା ଏବଂ ବକ୍ସ ଅଫିସରେ ଭଲ ପ୍ରଦର୍ଶନ କରୁଛି । କେବଳ ଏତିକି ନୁହେଁ ଉଭୟ ଫିଲ୍ମ ବକ୍ସ ଅଫିସରେ କୋଟି କୋଟି ଟଙ୍କା ରୋଜଗାର କରୁଛି। ଏଥିସହ, 'ସିଙ୍ଘମ ଏଗେନ' 2024 ବର୍ଷର ଦ୍ୱିତୀୟ ସର୍ବାଧିକ ଓପନର ହିନ୍ଦୀ ଚଳଚ୍ଚିତ୍ର ହୋଇପାରିଛି । 2024 ବର୍ଷର ସବୁଠାରୁ ବଡ ଓପନିଂ ଫିଲ୍ମ ହେଉଛି ସ୍ତ୍ରୀ 2' ଏହା ପରେ ଦ୍ୱିତୀୟରେ 'ସିଙ୍ଘମ ଏଗେନ' ଏବଂ ତୃତୀୟରେ 'ଭୁଲ ଭୁଲେୟା 3' 2024 ବର୍ଷର ତୃତୀୟ ସର୍ବାଧିକ ଓପନର ଚଳଚ୍ଚିତ୍ର ଭାବରେ ହୋଇପାରିଛି । ଉଭୟ ଫିଲ୍ମ ରିଲିଜ ହେବାର ତିନି ଦିନ ଅର୍ଥାତ୍ ପ୍ରଥମ ସପ୍ତାହ ଶେଷ କରିଛି । ତେବେ ଉଭୟ ଫିଲ୍ମ ମିଳିତ ଭାବେ 200 କୋଟି ପାର୍ କରିଥିବା ବେଳେ କିଏ କେତେ କଲେକ୍ସନ କରିଛି । ଜାଣନ୍ତୁ,
'ସିଙ୍ଘମ ଏଗେନ' ପ୍ରଥମ ସପ୍ତାହ କଲେକ୍ସନ
ଅଜୟ ଦେବଗନ, କରୀନା କପୁର ଖାନ, ଅକ୍ଷୟ କୁମାର, ଜ୍ୟାକି ଶ୍ରଫ, ଅର୍ଜୁନ କପୁର, ରଣଭୀର ସିଂ, ଦୀପିକା ପାଦୁକୋନ ଏବଂ ଟାଇଗର ଶ୍ରଫ ଅଭିନୀତ ଓ ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ କପ ଆକ୍ସନ ମଲ୍ଟିଷ୍ଟାର୍ ଚଳଚ୍ଚିତ୍ର ବକ୍ସ ଅଫିସରେ 43.70 କୋଟି ଟଙ୍କା ଓପନିଂ କରିଥିଲା । ପରେ ଦ୍ୱିତୀୟ ଦିନରେ 42.5 କୋଟି ଟଙ୍କା ଏବଂ ରବିବାର ଦିନ 35 କୋଟି ଟଙ୍କା କଲେକ୍ସନ କରିଛି । ଏହିପରି ଏହି ଫିଲ୍ମ ପ୍ରଥମ ସପ୍ତାହରେ 100 କୋଟି ପାର୍ କରିବା ସହ ମୋଟ 121 ଟଙ୍କା ଆୟ କରିଛି ।
'ଭୁଲ ଭୁଲେୟା 3' ପ୍ରଥମ ସପ୍ତାହ କଲେକ୍ସନ
ଅନ୍ୟପକ୍ଷରେ, ହରର କମେଡି ଫିଲ୍ମ 'ଭୁଲ ଭୁଲେୟା 3' ମଧ୍ୟ ବକ୍ସ ଅଫିସରେ ଭଲ ରୋଜଗାର କରୁଛି । ଏହି ଫିଲ୍ମ ବକ୍ସ ଅଫିସରେ ପ୍ରଥମ ଦିନରେ 36.60 କୋଟି ଟଙ୍କା କଲେକ୍ସନ କରିଥିଲା । ସାକନିକଙ୍କ ରିପୋର୍ଟ ଅନୁୟାୟୀ,ଫିଲ୍ମ ଦ୍ୱିତୀୟ ଦିନ ଅର୍ଥାତ୍ ଶନିବାର ଦିନ 38.4 କୋଟି ଆୟ କରିଥିବା ବେଳେ ତୃତୀୟ ଦିନ ଅର୍ଥାତ୍ ତୃତୀୟ ଦିନରେ 33.5 କୋଟି ଆୟ କରିଛି । ତେବେ ଫିଲ୍ମ 3 ଦିନ ଅର୍ଥାତ୍ ପ୍ରଥମ ସପ୍ତାହରେ ମୋଟ 106 କୋଟି କଲେକ୍ସନ କରି ସଫଳତା ହାତେଇଛି ।