रामनगर (उत्तराखंड): वनविभागाच्या कालाढुंगी रेंजमधील रामनगर-हल्द्वानी रस्त्यावर अचानक हत्तींचा कळप रस्त्यांवर आला. जे पाहून ये-जा करणाऱ्यांचा श्वास रोखला गेला. हत्तींचा कळप आल्याने वाहतूक विस्कळीत झाली होती. रस्त्यांवर हत्ती आल्याने दोन्ही बाजूला वाहनांच्या लांबच लांब रांगा लागल्या होत्या. हत्तींची माहिती मिळताच वनविभागाच्या पथकानेही घटनास्थळी पोहोचून वाहतूक बंद केली. मात्र, असे असतानाही लोक जीवाची पर्वा न करता व्हिडिओ बनवताना दिसले. घटनास्थळी तैनात वनविभागाच्या पथकाने लोकांना हत्तींच्या कळपापासून दूर ठेवले. हत्तींच्या कळपाने रस्ता ओलांडल्यानंतर रस्ता वाहतुकीसाठी खुला करण्यात आला. त्याच वेळी, आपल्या वाहनातून हत्तींच्या कळपाचा व्हिडिओ बनवणारा रणजीत सिंग सांगतो की, बर्याच वेळा कॉर्बेट पार्कमध्ये सफारीला जाणाऱ्या पर्यटकांना वन्यजीव पाहायला मिळत नाहीत. तर अनेकवेळा वन्यप्राणीच रस्त्यावर फिरताना दिसतात.
हेही वाचा: काय सांगता, या रेड्याच्या वीर्याची विक्री केली तर मिळतील लाखो रुपये