Farmer Suicide : जालना जिल्ह्यातील पिंपळगाव कोलते येथे पावसाअभावी शेतकऱ्याची आत्महत्या - Suicide due to lack of rain

भोकरदन :पावसा अभावी एका शेतकऱ्याने विहिरीत आत्महत्या केल्याची घटना हसनाबाद पोलीस ठाण्याअंतर्गत येणाऱ्या पिंपळगाव कोलते येथील शिवारात घडली. रमेश त्र्यंबक सोनवणे वय ४० वर्षे, असे आत्महत्या केलेल्या शेतकऱ्याचे नाव आहे. रात्रीचे जेवण झाल्यावर ते कोणालाही न सांगता शेतात गेले. रात्री ते घरी न परतल्याने त्यांची आई नातेवाइकांनी त्यांचा गावात शोध घेतला. मात्र कोणतीही माहिती मिळू शकली नाही. सकाळी गावकऱ्यांनी त्यांचा शोध घेतला असता त्यांचा मृतदेह जवळच्या विहिरीत आढळून आला. याबाबत ग्रामपंचायत सरपंचांनी तातडीने हसनाबाद पोलिसांना घटनेची माहिती दिली. माहिती मिळताच पोलिसांनी घटनास्थळी धाव घेत गावकऱ्यांच्या मदतीने मृतदेह विहिरीतून बाहेर काढला. पोलिसांनी घटनेचा पंचनामा करून आत्महत्येची नोंद केली आहे. पुढील तपास पोलीस करत आहेत.