Chhagan Bhujbal stuck in Traffic jam : मुंबई-नाशिक महामार्गावर वाहतूक कोंडी; छगन भुजबळ तासभर अडकले

ठाणे : मुंबई-नाशिक महामार्गावर (Mumbai-Nashik Highway Traffic Jam) येवई नाका परिसरात आज सकाळी प्रचंड प्रमाणात वाहतूक कोंडी झाली होती. या वाहतूक कोंडीचा फटका मंत्री छगन भुजबळ (Minister Chhagan Bhujbal) यांना बसला आहे. मंत्री भुजबळ त्यांच्या ताफ्यासह तासभर वाहतूक कोंडीत अडकून पडले होते. मुंबई-नाशिक महामार्गावर वाहतूक कोंडीमुळे चालकांना त्रास सहन करावा लागत आहे. वाहतूक कोंडी सुरळीत करण्यासाठी स्थानिक पोलीस तसेच वाहतूक पोलीस यांना तारेवरची कसरत करावी लागली.