Corona Vaccine Side Effects : कोरोनाच्या दुसऱ्या डोसनंतर पुरुषांमध्ये मायोकार्डिटिसचे प्रमाण वाढले

रक्ताच्या गुठळ्या होण्याच्या घटनांमध्ये, हृदयविकाराच्या (Corona Vaccine Side Effects) घटनांमध्ये, पक्षाघाताच्या घटनांमध्ये वाढ झाल्याचे अभ्यासात नमूद करण्यात आले आहे. अनियमित हृदयाचे ठोके 10 पटीने वाढले आहेत. मायोकार्डिटिसचे प्रमाण दुसऱ्या डोसनंतर (Second Corona Dose Side Effect) पुरुषांमध्ये जास्त आहे.

नवी दिल्ली : अलीकडच्या काळात काही संशोधनातून असे समोर आले आहे की, काही लोकांमध्ये लसींचे कमी-अधिक दुष्परिणाम होऊ शकतात. यात हृदयविकाराच्या झटक्याचादेखील समावेश आहे. सीडर्स-श्मिट सिनाई (Second Corona Dose ) येथील कार्डियाक इन्स्टिट्यूटमधील (Cardiac Institute) संशोधकांनी हार्ट फेल्यूयर आणि कोविड 19 (COVID 19) यांच्यातील दुव्याची पुष्टी केली आहे. त्याचे निष्कर्ष, नेचर-पुनरावलोकन जर्नल नेचर कार्डिओव्हस्कुलर रिसर्चमध्ये प्रकाशित केले आहेत. कोविड-19 विरुद्ध लसीकरण केलेल्या रुग्णांपैकी काही टक्के रुग्णांना पोस्टरल ऑर्थोस्टॅटिक टाकीकार्डिया सिंड्रोम किंवा (Postural orthostatic tachycardia syndrome) (POTS) विकसित होऊ शकतो.

पुरुषांमध्ये मायोपेरिकार्डिटिसचे प्रमाण जास्त : अमेरिकन कॉलेज ऑफ कार्डिओलॉजीच्या जर्नलने उघड केले आहे की, कोविड 19 लसीच्या दुसऱ्या डोसनंतर मायोकार्डिटिस, पेरीकार्डिटिस किंवा मायोपेरिकार्डिटिसचा धोका जास्त असतो. महामारीच्या तीन वर्षांनंतर, काही लसी आणि त्यांच्या घातक दुष्परिणामांबद्दल प्रश्न उपस्थित केले जात आहेत, परंतु अद्याप कोणतेही ठोस पुरावे समोर आलेले नाहीत. जर्नल्समध्ये प्रकाशित अलीकडील जागतिक अभ्यास पाहिल्यास, मायोपेरिकार्डिटिस (Acute heart inflammation) आणि मायोकार्डिटिसचे प्रमाण दुसऱ्या डोसनंतर पुरुषांमध्ये (Corona Test) जास्त आहे.

कोविड-ची लागण होण्याची शक्यता दुप्पट : 23 अभ्यासांचे मेटा-विश्लेषण, ज्यामध्ये (mRNA) लस-संबंधित मायोपेरीकार्डिटिस असलेल्या 12 ते 20 वर्षे वयोगटातील 854 रुग्णांचा समावेश आहे. या महिन्यात आढळून आले की, दुसऱ्या डोसनंतर पुरुषांमध्ये मायोपेरिकार्डिटिसचे प्रमाण जास्त होते. एकूण प्रकरणे फारच कमी आहेत. जर्नल फ्रंटियर्स इन मेडिसिनमध्ये प्रकाशित झालेल्या ताज्या विश्लेषणात असे आढळून आले आहे की जे, लोक कोरोनाव्हायरस संसर्गातून बरे झाले आहेत. त्यांना दुसर्‍यांदा संसर्ग होण्याची किंवा पुन्हा कोविड-ची लागण होण्याची शक्यता दुप्पट असते. ज्यांना लसीकरण केले गेले नव्हते त्यांच्यासाठी धोका निम्म्यावर आला होता.

दोन मुख्य परिणाम समोर आले : एक असे दर्शविते की, लसीकरणामुळे विषाणूपासून पुनर्प्राप्तीनंतर प्राप्त झालेल्या नैसर्गिक प्रतिकारशक्तीच्या तुलनेत कोविड 19 चा पुन्हा संसर्ग होण्याची शक्यता निम्मी होते. याव्यतिरिक्त, आकडेवारी दर्शविते की जर दुसरा संसर्ग झाला तर, लसीकरण केलेल्या लोकांमध्ये गंभीर लक्षणे (second dose side effect) विकसित होण्याची शक्यता अर्धवट केली जाते. लसीच्या कोणत्याही धोकादायक दुष्परिणामांबद्दल माहिती येणे बाकी आहे, परंतु बहुतेक जागतिक अभ्यास असे सूचित करतात की, लसीचे फायदे कोविड आणि लाँग कोविडशी संबंधित जोखमींपेक्षा जास्त आहेत.