हृदय आपल्या शरीरातील सर्वात महत्वाच्या भागांपैकी एक आहे, ज्यात समस्या झाल्यास ते घातक ठरू शकते. कोरोना संकटातही हृदयरोगी हे कोरोनापासून असुरक्षित असल्याचे मानले गेले. केवळ एवढेच नव्हे तर, मागील काही काळात तारुण्यात वाढत असलेली हृदयरोगांची प्रकरणे विशेषत: हार्ट अटॅकमुळे होणाऱ्या मृत्यूच्या संख्येने देखील लोकांची चिंता वाढवली आहे. या पार्श्वभूमीवर हृदयाला निरोगी ठेवण्यासाठी काही टीप्स देण्यात आल्या आहेत, ज्या फायदेशीर ठरू शकतात.
आकडे काय सांगतात?
हृदय रोगाला जगभरात होणाऱ्या मृत्यूचे एक प्रमुख कारण म्हणूनही ओळखले जाते. एका आकडेवारीनुसार, केवळ अमेरिकेत 11 टक्के पुरुष आणि 9 टक्के महिला हृदयरोगाने ग्रस्त आहेत. भारतात देखील आरोग्य तज्ज्ञ याकडे एक मोठा धोका म्हणून पाहतात.
आकडेवारीनुसार, भारतात वर्ष 1990 पर्यंत हृदय रोगाने दरवर्षी 2.26 मिलियन (22.6 लाख) लोकांचा मृत्यू होत होता. आता चिंतेची बाब म्हणजे, हा आकडा वर्ष 2025 पर्यंत वाढून 5.23 मिलियन (52.3 लाख) होण्याची शक्यता आहे. आकडेवारीनुसार, ग्रामीण लोकसंख्येत हृदय रोगाची प्रकरणे 1.6 वरून 7.4 टक्के, तर शहरी लोकसंख्येत 1 वरून 13.3 टक्के झाली आहेत.
बचाव कसा करावा?
डॉक्टर आणि तज्ज्ञ मानतात की, दम लागणे किंवा हृदयसंबंधी रोगांची लक्षणे पाहता जर आरोग्यात काही अस्वस्थता असल्यास डॉक्टरांचा सल्ला नक्की घेतला पाहिजे. त्याचबरोबर, नियमित आरोग्याची तपासणी देखील गरजेची आहे, कारण हृदयरोगाबाबत सुरुवातीलाच कळले तर, त्याचा उपचार आणि बरे होण्याची शक्यता अधिक वाढू शकते.