हैदराबाद: कार्तिक पौर्णिमा आज म्हणजेच 27 नोव्हेंबर रोजी आहे. कार्तिक महिना हा सर्व महिन्यांमध्ये सर्वात शुभ आणि फलदायी मानला जातो. कार्तिक पौर्णिमेच्या दिवशी पवित्र नदीत स्नान आणि दान केल्यानं संपूर्ण महिनाभर केलेल्या उपासनेइतकंच फळ मिळतं, असा विश्वास आहे. कार्तिक महिना भगवान विष्णूला अतिशय प्रिय आहे.
कार्तिक पौर्णिमेला देव दिवाळी आणि त्रिपुरारी पौर्णिमा का म्हणतात?कार्तिक पौर्णिमा ही देव दिवाळी म्हणून ओळखली जाते. भगवान विष्णूनं कार्तिक महिन्यात मत्स्य अवतार घेतला असं मानलं जातं. भगवान विष्णूचा मत्स्य अवतार याच तिथीला झाला. हा भगवान विष्णूचा पहिला अवतार मानला जातो. प्राचीन काळी जेव्हा पूर आला, तेव्हा मत्स्य अवताराच्या रूपात देवानं संपूर्ण जगाचं रक्षण केलं. कार्तिक पौर्णिमेला त्रिपुरारी पौर्णिमा असेही म्हणतात. या तिथीला भगवान शिवानं त्रिपुरासुर नावाच्या राक्षसाचा वध केला होता, म्हणून या तिथीला त्रिपुरारी पौर्णिमा असं म्हणतात. कार्तिक पौर्णिमा ही देवांची दिवाळी म्हणूनही साजरी केली जाते. या कारणास्तव याला देव दिवाळी म्हणतात.
- भगवान शिव त्रिपुरारी बनले :पौराणिक कथेनुसार भगवान शिवाने या दिवशी त्रिपुरासुर नावाच्या अत्यंत शक्तिशाली राक्षसाचा वध केला होता. याने देवांना या राक्षसाच्या अत्याचारापासून मुक्ती मिळाली आणि देवांनी प्रसन्न होऊन भगवान शिवाचे नाव त्रिपुरारी ठेवले.
- देव दिवाळीचा शुभ योग :कार्तिक पौर्णिमेला शिवयोग सकाळपासून रात्री ११:३९ पर्यंत आहे, त्यानंतर सिद्ध योग दुसऱ्या दिवशीपर्यंत चालू राहील. सर्वार्थ सिद्धी योग पौर्णिमेच्या दिवशी दुपारी 01:35 पासून सुरू होईल आणि 28 नोव्हेंबर रोजी सकाळी 06:54 पर्यंत चालू राहील. कार्तिक पौर्णिमेला दुपारी 01:35 पर्यंत कृतिका नक्षत्र असते, त्यानंतर रोहिणी नक्षत्र असते.
- कार्तिक पौर्णिमा 2023 तारीख, शुभ वेळ :यावर्षी कार्तिक पौर्णिमा 26 नोव्हेंबर रोजी दुपारी 3:53 पासून सुरू झाली आणि 27 नोव्हेंबर रोजी दुपारी 2:45 पर्यंत राहील. आज सोमवार, 27 नोव्हेंबर रोजी कार्तिक पौर्णिमा साजरी होत आहे. प्रदोष काल संध्याकाळी 5.08 ते 7.47 पर्यंत