हैदराबाद :लोक अनेकदा टाइमपास स्नॅक म्हणून शेंगदाणे खातात पण तुम्हाला माहिती आहे का, हे चवीसोबतच आरोग्यासाठीही चांगले आहे. यामध्ये अनेक पोषक घटक असतात ज्यामुळे ते आरोग्यासाठी खूप फायदेशीर ठरते. शेंगदाण्यामध्ये व्हिटॅमिन-ई, मॅग्नेशियम, फोलेट, कॉपर आणि खनिजे भरपूर प्रमाणात असतात. शेंगदाणे मर्यादित प्रमाणात खाल्ल्यास अनेक आजार टाळता येतात. चला तर मग जाणून घेऊया शेंगदाणे खाण्याचे फायदे.
- कोलेस्ट्रॉल कमी करण्यासाठी उपयुक्त: तुम्ही जर कोलेस्ट्रॉलचे रुग्ण असाल तर तुम्ही तुमच्या आहारात शेंगदाण्यांचा समावेश करू शकता. हे खराब कोलेस्ट्रॉल (LDL) कमी करण्यास आणि हृदयाचे आरोग्य सुधारण्यास मदत करू शकते. तसेच, शेंगदाणे ओमेगा -3 फॅटी ऍसिड आणि व्हिटॅमिन ईचा उत्कृष्ट स्रोत आहे जे हृदयाशी संबंधित समस्यांशी लढण्यासाठी उपयुक्त आहे.
- मेंदूसाठी फायदे: शेंगदाणे खाल्ल्याने स्मरणशक्ती आणि मेंदूचे आरोग्य सुधारते. यामध्ये व्हिटॅमिन B3 आणि नियासिन मुबलक प्रमाणात असते जे मेंदूचे आरोग्य सुधारण्यास मदत करते. शेंगदाणे देखील नैराश्याची लक्षणे कमी करण्यास मदत करतात. तुमच्या रोजच्या आहारात याचा समावेश केल्याने तुम्हाला चांगली झोप येऊ शकते.
- वजन कमी करण्यात मदत: शेंगदाणे भूक कमी करण्यास मदत करते ज्यामुळे वजन कमी होण्यास मदत होते. यात भरपूर फायबर देखील असते जे पोटासाठी फायदेशीर असते. तुम्ही ते शेक किंवा स्मूदीमध्ये मिक्स करू शकता. हे खाल्ल्याने पोट बराच काळ भरलेले राहते.
- मधुमेहींसाठी फायदेशीर : मधुमेहाचा त्रास असलेल्यांसाठी शेंगदाणे फायदेशीर ठरू शकते. त्यामुळे रक्तातील साखर नियंत्रणात राहते. आरोग्यासाठी आवश्यक असलेले मॅंगनीज, कॅल्शियम, कार्बोहायड्रेट्स यासारखे पोषक घटक शेंगदाण्यात उपलब्ध असतात.