यवतमाळ - घरगुती वादातून पोलीस वसाहतीत पोलीस कर्मचारी शंकर राठोड यांच्या पत्नीने पंख्याला गळफास लावून आत्महत्या केली. घरी परतलेल्या पतीने ही घटना पाहताच कीटकनाशक पिऊन जीवनयात्रा संपवण्याचा प्रयत्न केल्याची घटना घडली. दरम्यान, अत्यवस्थ असलेले पोलीस शंकर राठोड यांना पुढील उपचारासाठी यवतमाळ येथील शासकीय रुग्णालयात हलवण्यात आले व त्यानंतर नागपूर येथे पाठविण्यात आल्याची माहिती आहे.
घटनेची दृष्ये
वर्षा शंकर राठोड (30) असे आत्महत्या केलेल्या विवाहितेचे नाव आहे. शंकर राठोड हे पुसद येथील उपविभागीय पोलीस अधिकारी अनुराग जैन यांच्या शासकीय वाहनाचे चालक आहेत. शंकर राठोड हे पोलीस ठाण्याच्या आवारात असलेल्या पोलीस वसाहतीत राहतात.शुक्रवारी सकाळी त्यांचे पत्नीसोबत घरगुती वाद झाल्याचे सांगण्यात येते. त्यानंतर शंकर राठोड घराबाहेर पडून पोलीस ठाण्यात आले.