यवतमाळ- जिल्हा मध्यवर्ती सहकारी बँकेची निवडणूक तब्बल 13 वर्षांनंतर जाहीर झाली आहे. मतदानाला आणखी किमान 25 दिवसांचा अवधी असला तरी बँकेचे संचालक आतापासूनच प्रचाराला लागले आहेत. बँकेची निवडणूक लढण्यास इच्छुक असलेल्यांनीही जोरदार मोर्चेबांधणी चालविली आहे.
माहिती देताना जिल्हा मध्यवर्ती सहकारी बँकेचे मुख्याधिकारी दीपक देशपांडे
जिल्हा बँकेच्या विद्यमान संचालकांची संख्या 28 आहे. परंतु बैद्यनाथन आयोगाच्या निर्देशानुसार ही संचालक संख्या आता 7 ने कमी करून 21 वर आणण्यात आली आहे. संचालकांच्या 21 जागांसाठी 26 मार्चला सर्वोच्च न्यायालयाच्या आदेशावरून निवडणूक घेतली जात आहे. निवडणूक कार्यक्रम जाहीर झालेल्या दिवसापासूनच जिल्हा बँकेचे मुख्यालय व विभागीय कार्यालयांमध्ये निवडणुकीची लगबग सुरू झाली आहे. संचालकांच्या बैठकांवर बैठका होत आहेत.