यवतमाळ - कोरोनाचा प्रादुर्भाव लक्षात घेता यावर करण्यात आलेल्या उपाययोजनांचा आढावा घेण्यासाठी जिल्हाधिकारी एम. देवेंदर सिंह यांनी कळंब तालुक्यातील चापर्डा येथील कोविड केअर सेंटरला आकस्मिक भेट देऊन रुग्णांशी संवाद साधला.
यावेळी जास्तीत जास्त नागरिकांच्या चाचण्यांवर भर द्या. पूर्व व्याधींनी ग्रस्त असलेल्या प्रत्येक व्यक्तिची वेळत तपासणी करण्याचे आदेश देण्यात आले. लक्षणे असलेल्या रुग्णांची तत्काळ तपासणी करून वेळेत उपचार उपलब्ध करून द्यावा. ग्रामस्तरीय समितीमार्फत रोज सर्वेक्षण करावे. सर्वेक्षणातून लक्षणे असलेल्या नागरिकांची माहिती तत्काळ आरोग्य विभागास द्या, असे निर्देश जिल्हाधिकाऱ्यांनी दिले.