वाशिम - वाशिम जिल्ह्यातील मालेगाव शहरामध्ये आज काँग्रेसच्या वतीने आमदार अमित झनक यांच्या नेतृत्वात भर पावसात इंधन दरवाढी विरोधात बैलगाडी मोर्चा काढण्यात आला. यावेळी केंद्र सरकार विरोधात घोषणा देण्यात आल्या. उत्पन्न बाजार समिती येथून या मोर्च्याला सुरुवात झाली होती.
वाशिममध्ये इंधन दरवाढीविरोधात भर पावसात काँग्रेसचा बैलगाडी मोर्चा
महागाईविरोधात निषेध आंदोलन
या मोर्च्यात युवक काँग्रेसचे राष्ट्रीय महासचिव विजयसिंग यांनी यावेळी बोलताना सांगितले की, आमच्या वरिष्ठ नेत्यांचे या सरकारकडून कॉल रेकॉर्डिंग केले जात आहे. याचा आम्ही जाहीर निषेध करतो. सोबतच जनतेनेही रस्त्यावर उतरून या महागाईच्या विरोधात आवाज उठवला पाहिजे. दरम्यान, आज मालेगाव शहरामध्ये पहाटेपासूनच जोरदार पाऊस सुरू आहे. मात्र काँग्रेसने या मोर्च्याचे नियोजन केले होते. त्यामुळे भर पावसातही हा मोर्चा काढण्यात आला.