मॉब लिंचिंगच्या निषेधार्थ मालेगावमध्ये मुस्लिम समाजाचा मूक मोर्चा

मालेगाव जिल्ह्यातील मालेगाव शहरात आज मॉब लिंचिंगच्या आणि झारखंड येथील तबरेज अंसारी यांच्या हत्येच्या निषेधार्थ मुस्लिम समाजाच्या वतीने मूक मोर्चा काढण्यात आला आहे.

वाशिम - जिल्ह्यातील मालेगाव शहरात आज मॉब लिंचींगच्या आणि झारखंड येथील तबरेज अंसारी यांच्या हत्येच्या निषेधार्थ मुस्लिम समाजाच्या वतीने मूक मोर्चा काढण्यात आला.

मोर्चाची सुरुवात जामा मशजीद समोरून करण्यात आली होती. तर मोर्चाची सांगता मालेगाव तहसीलदार रवी काळे यांना निवेदन देऊन करण्यात आली आहे. या मोर्चात शेकडो मुस्लिम बांधवांनी सहभाग घेतला होता.

काही दिवसांपुर्वी मोटारसायकलची चोरी केल्याच्या आरोपावरून झारखंडमधील तबरेज अन्सारी या बावीस वर्षीय तरुणाची जमावाकडून मारहाण करुन हत्या करण्यात आली होती.