वाशिम - गोंदियाहून पुण्याला जाणाऱ्या एका 24 वर्षीय तरुणीचा धावत्या खासगी बसमध्ये विनयभंग करून वाशिमच्या मालेगाव परिसरात बलात्कार केल्याची घटना 6 जानेवारीला घडली आहे. यबाबत मुलीने पुण्यात पोहोचल्यानंतर तक्रार दिली आहे.
माहिती देताना सहायक पोलीस निरीक्षक
चाकूचा धाक दाखवत केला बलात्कार
पीडित तरुणी ही मुळची गोंदिया येथील राहणारी असून ती पुणे येथे नोकरी करते. नोकरीसाठी ती गोंदियाहून पुण्याला खासगी बसमध्ये प्रवास करत होती. त्यावेळी आसन क्रमांक तुमचा नसल्याचे कारण सांगत समीर देवकर या व्यक्तीने मागच्या आसनावर बसविले. त्यानंतर चाकूचा धाक दाखवत तिच्यावर बलात्कार केला. एवढ्यावर न थांबता नराधमाने आरडाओरडा केल्यास धावत्या वाहनातून फेकून देण्याचीही धमकी दिली, अशी माहिती पोलिसांनी दिली आहे.