वाशिम - ग्रामीण भागातील महिला बचत गटांनी उत्पादित केलेल्या वेगवेगळ्या कलाकुसरीच्या वस्तूला बाजारपेठ उपलब्ध व्हावी, यासाठी रिसोड येथे कृषी विज्ञान केंद्र, करडा यांच्यावतीने आनंद संध्याचे आयोजन करण्यात आले. यामध्ये ११० बचत गटांनी आपले स्टॉल लावले. तर या उपक्रमाला रिसोड शहरातील महिलांनी उस्फुर्त प्रतिसाद देत एकाच दिवशी ४ लाखाची उलाढाल झाली आहे.
महिला बचत गटांच्या उत्पादनांचे रिसोड येथे प्रदर्शन
कृषी विज्ञान केंद्र, करडा यांच्याकडून ग्रामीण भागातील महिलांना वेगवेगळे प्रशिक्षण दिले जाते. महिला बचत गटांच्या महिला घरगुती वापरासाठी लागणाऱ्या वस्तू तयार करतात. मात्र, त्यांना व्यासपीठ मिळावे यासाठी आम्ही हा छोटासा प्रयत्न केला आहे. याला रिसोडकरांनी चांगला प्रतिसाद दिल्याने यापुढेही, असे उपक्रम राबविणार असल्याचे अध्यक्षांनी सांगितले.