वाशिम - कोरोना विषाणूचा संसर्ग रोखण्यासाठी लोकांची गर्दी टाळणे हा एकमेव प्रभावी उपाय आहे. त्यामुळे या विषाणूच्या संसर्गाला प्रतिबंध करण्यासाठी ३१ मार्च २०२० पर्यंत संचारबंदी लागू करण्याचे आदेश जिल्हाधिकारी आणि जिल्हादंडाधिकारी हृषीकेश मोडक यांनी यापूर्वी दिले होते. या आदेशात बदल करून आता १५ एप्रिल २०२० पर्यंत जिल्ह्यात संचारबंदी लागू करण्यात आली आहे.
कोरोनाचा प्रादुर्भाव रोखण्यासाठी राज्यात साथरोग अधिनियम १८९७ लागू करण्यात आला आहे. वाशिम जिल्ह्यात कोरोना विषाणूच्या प्रसाराला तत्काळ प्रतिबंध घालण्यासाठी उपाययोजना करण्यात येत आहेत. जिल्ह्यातील सर्व गर्दीची ठिकाणे, बाजारपेठा बंद करण्यात आल्या आहेत.