वर्धा- चंद्रपूर-नागपूर महामार्गवरील नंदोरी शिवारात एका कारचे नियंत्रण सुटून ती पलटी झाल्याची घटना घडली आहे. ही घटना शनिवारी रात्री ८ वाजताच्या सुमारास घडली. अपघातात दोघे जण जखमी झाले असून त्यांना रुग्णालयात दाखल करण्यात आले आहे.
जगन्नाथ डंबारे (वय.५६ रा. हिंगणघाट) हे ज्ञानेश्वर हेडाऊ (वय.५२) यांच्यासोबत कार क्र. (एम.एच ३२, सी.५२८८) ने चंद्रपूरहून हिंगणघाटच्या दिशेने जात होते. दरम्यान, नंदोरी शिवारात कार चालक जगन्नथ डंबारे यांचे कारवरून नियंत्रण सुटल्याने कार रोडच्या कडेला जाऊन पलटी झाली. या अपघातात जगन्नाथ डंबारे आणि ज्ञानेश्वर हेडाऊ हे दोघेही जखमी झाले.