वर्धा - सेलू तालुक्यात झालेल्या मान्सूनपूर्व पावसासह वादळाने मोठे नुकसान झाले आहे. टाकळी 12 घरांचे छप्पर उडाले आहे, तर अनेकांच्या घरांच्या भिंती पडल्या आहेत. त्यामुळे भर पावसात अनेक लोकांचे संसार उघड्यावर पडले आहेत.
सेलू तालुक्याला वादळाचा फटका,
सेलू तालुक्यात एका ठिकाणी भिंती खाली दबून एका गाईचा मृत्यू झाला आहे. नुकसान झालेल्या सर्व घरांचे तलाठ्याने त्वरीत पंचनामे करुन कार्यतत्परता दाखवली आहे. आठवड्याच्या सुरूवातीला सोमवारपासूनच वादळी पावसाला सुरवात झाली. २ दिवस पावसाने चांगलेच थैमान घातले आहे. २ दिवसांच्या विश्रांतीनंतर झडशी परिसरात अचानक वादळासह पावसाला सुरूवात झाली. यावेळी आलेल्या वादळाने टाकळी (झ) या गावाला फटका दिला.