वर्धा- काळ्या घोड्याच्या नावाने शहरातील लोकांची फसवणूक करणाऱ्या लोकांचा अंनिसने भांडाफोड केला. त्यानंतर त्याला शहर पोलिसांच्या स्वाधीन करण्यात आले. याविरोधात जादूटोणा कायद्याअंर्तगत गुन्हा दाखल करण्यात आला आहे.
कारवाईबद्दल माहिती देताना अंनिसचे महाराष्ट्र राज्य युवा संघटक पंकज वंजारी
रामू सागर असे आरोपीचे नाव आहे. तो मध्यप्रदेशातील भोपाळचा रहिवासी आहे. काळ्या घोड्याची नाल आणि अंगठीची विक्री करण्यासाठी तो त्याच्या साथीदारांसह शहरात आला होता. विशेष म्हणजे त्याने जुन्या घोडा गाडीसोबत सोबत ४ काळे घोडे सुद्धा आणले होते. काळ्या घोड्याच्या नालपासून अंगठ्या तयार केल्या जातात. या बोटात धारण केल्याने घरातील कौटुंबिक वाद, संकटे दूर होत असल्याचा दावा तो करीत होता. एवढेच नाहीतर कुणाला मुल होत नसेल तर त्यांनाही याचा फायदा होतो असा खोटे दावाही त्यानी केला.