ठाणे - दुमजली यंत्रमाग कारखान्याची लिफ्ट तुटून अपघात झाल्याने एका मजुराचा मृत्यू झाला आहे. ही घटना भिवंडीतील सुभाष नगर भागातील एका यंत्रमाग कारखान्यात घडली. गुलबहार मंगरू खान (३४) असे लिफ्टच्या अपघातात जागीच ठार झालेल्या यंत्रमाग मजुराचे नाव आहे.
मृत गुलबहार हा लिफ्टमधून सुताचा भरलेला बीम घेऊन पहिल्या माळ्यावरून मंगळवारी सांयकाळच्या सुमारास खाली उतरत होता. त्यावेळी लिफ्टचे ब्रेक फेल झाल्याने वेगाने लिफ्ट खाली कोसळली. यात मजूर गुलबहार याच्या पोटावर गंभीर जखम होऊन त्याचे आतडे बाहेर पडल्याने त्याचा जागीच मृत्यू झाला.