ठाणे - कोरोना विरुद्धच्या लढाईसाठी मदत म्हणून ठाणे जिल्हा मध्यवर्ती सहकारी बँक लि. तर्फे मुख्यमंत्री सहाय्यता निधीला एक कोटी रुपयांचा धनादेश देण्यात आला. उपमुख्यमंत्री अजित पवार यांच्याकडे बँकेचे अध्यक्ष राजेंद्र गोपाळ पाटील यांनी हा धनादेश सुपूर्द केला.
महाराष्ट्र कोरोनामुक्त करण्यासाठी राज्य शासनाच्यावतीने अनेक उपाययोजना सुरू आहेत. याचाच एक भाग म्हणून राज्यशासनाच्यावतीने उपमुख्यमंत्र्यांनी मदतीसाठी केलेल्या आवाहनाला बँकेने प्रतिसाद दिला आहे. यावेळी आमदार राजेश पाटील, बँकेचे उपाध्यक्ष भाऊ कुऱ्हाडे, बँकेचे मुख्य कार्यकारी अधिकारी राजेंद्र दोंदे हे उपस्थित होते.
ठाणे जिल्हा मध्यवर्ती सहकारी बँक लिमिडेटचे संचालक, अधिकारी-कर्मचारी, सभासद यांनी सामाजिक बांधिलकी राखत केलेल्या या मदतीबद्दल उपमुख्यमंत्री अजित पवार यांनी समाधान व्यक्त करत सर्वांचे आभार मानले आहेत.
