मुंबई- शुक्रवारी मध्यरात्रीपासून सुरू झालेल्या मुसळधार पावसामुळे अनेक शाळांना आम्ही सुट्टी देण्यात आली आहे. मुलांच्या सुरक्षिततेच्या दृष्टीकोणातून हा निर्णय घेण्यात आला असल्याची माहिती मुख्याध्यापक संघटनेचे सरचिटणीस प्रशांत रेडीज यांनी दिली आहे.
निर्णयाबद्दल माहिती देताना मुख्याध्यापक संघटनेचे सरचिटणीस प्रशांत रेडीज
शालेय शिक्षण विभागाने मुंबई आणि राज्यभरात पावसाच्या स्थितीत शाळांना सुट्टी देण्याचे सर्वाधिकार जिल्हाधिकारी यांना दिले आहेत. परंतु रात्रीपासून कोसळणाऱ्या पावसाची शहर जिल्हाधिकाऱ्यांनी दखल न घेतल्यामुळे आम्ही स्वतःहून अनेक ठिकाणी शाळांना सुट्टी दिली. तसेच मुलांना त्यांच्या घरी पाठवून, अनेक पालकांना स्वतः फोन करून पावसाची स्थिती सांगत मुलांना घराबाहेर न सोडण्याची विनंती केली असल्याची माहिती रेडीज यांनी दिली आहे.