'विरोधी पक्षाची भूमिका नागपूर अधिवेशनापासून बजावू'

महाविकास आघाडीच्या सरकार स्थापनेबद्दल विचारले असता महाजन म्हणाले, 'महाविकास आघाडीचे सरकार कसे असेल त्यांनीच सांगावे. आम्ही विरोधी पक्षात आहोत आणि विरोधी पक्षाची भूमिका आम्ही नागपूर अधिवेशनापासून बजावू'

नवी मुंबई - 'आम्ही विरोधी पक्षाची भूमिका नागपूर अधिवेशनापासून बजावू' असे भाजप नेते गिरीश महाजन यांनी स्पष्ट केले आहे. हेल्थ एक्सप्रेस डॉयगनॉस्टिक सेंटरच्या उद्घाटन सोहळ्याप्रसंगी ते माध्यमांसोबत बोलत होते.

महाविकास आघाडीच्या सरकार स्थापनेबद्दल विचारले असता महाजन म्हणाले, 'महाविकास आघाडीचे सरकार कसे असेल त्यांनीच सांगावे. आम्ही विरोधी पक्षात आहोत आणि विरोधी पक्षाची भूमिका आम्ही नागपूर अधिवेशनापासून बजावू'

हेही वाचा -सरकारने हिंदू-मुस्लिम फाळणी केली आहे; शिवसेनेचा अग्रलेखातून भाजपवर निशाणा

अजित पवारांना मिळालेली क्लीन चिट ही चार दिवसांच्या भाजप सरकारमध्ये मिळाली नसल्याचेही त्यांनी स्पष्ट केले. अजून एसीबीची 10 टक्केदेखील चैकशी झालेली नाही, असे सूचक वक्तव्यही त्यांनी केले आहे. यावेळी नवी मुंबईचे महापौर जयवंत सुतार, पनवेलचे आमदार प्रशांत ठाकूर, उरणचे आमदार महेश बालदी आदी उपस्थित होते.