ठाणे - कल्याण-डोंबिवली महानगरपालिकेच्या डोंबिवली विभागीय सेवकवर्गाने माघी गणेशोत्सवाच्या पार्श्वभूमीवर समुद्र मंथनाचा आगळावेगळा सध्याच्या सद्यस्थितीवर आधारित देखावा सादर केला आहे. हा देखावा पाहण्यासाठी भाविकांची मोठी गर्दी होत आहे.
माघी गणेशोत्सवाच्या पार्श्वभूमीवर समुद्र मंथनावर साकारला देखावा
महापालिकेच्या डोंबिवली विभागीय कार्यालयाच्या आवारात २८ ते १ फेब्रुवारी दरम्यान विविध धार्मिक कार्यक्रमांचे आयोजन करण्यात आले आहे. बुधवारी सायंकाळी ६ ते ७ दरम्यान बेतवडे गावच्या गावदेवी माऊली मंडळाचे भजन होणार आहे. गुरुवारी सायंकाळी ६ ते ७ दरम्यान काटई गावच्या गोपाळ कृष्ण मंडळाचे भजन होणार आहे. शुक्रवारी सकाळी सत्यनारायणाची महापूजा आयोजित केली आहे. तर, सायंकाळी ६ ते ७ दरम्यान बेतवडे गावच्या हनुमान प्रसाद मंडळाचे भजन होणार आहे.