ठाणे - स्मशानभूमीच्या जागेत कचरा टाकण्याच्या वादातून गावकऱ्यांनी कल्याण-डोंबिवली महापालिकेच्या (केडीएमसी) ५ कंत्राटी सफाई कामगारांना मारहाण केली आहे. या निषेधार्थ केडीएमसीच्या कंत्राटी कर्मचाऱ्यांनी आज सकाळपासून कल्याण पश्चिम 'ब' आणि 'क' प्रभागात काम बंद आंदोलन केले आहे. यामुळे शहरात जागोजागी कचऱ्याचे ढीग साचल्याचे पाहायला मिळाले.
माहिती देताना अखिल भारतीय कामगार कर्मचारी संघाचे अध्यक्ष निखिल चव्हाण
ज्या ठिकाणी कचरा टाकण्यात आला. ते ठिकाण स्मशानभूमी असल्याचे नागरिकांचे म्हणणे आहे. आणि या ठिकाणी कचरा टाकायला नागरिकांचा विरोध होता. मात्र, कचरा टाकल्याने गावकऱ्यांनी केडीएमसीच्या ५ कर्मचाऱ्यांना मारहाण केली, अशी माहिती अखिल भारतीय कामगार कर्मचारी संघाचे अध्यक्ष निखिल चव्हाण यांनी दिली.