ठाणे-अश्लील नृत्य सुरू असलेल्या डोंबिवलीच्या मानपाडा रोडवरील सेव्हन स्टार बारमध्ये कल्याण गुन्हे शाखेच्या पोलीस पथकाने रविवारी रात्रीच्या सुमारास छापेमारी केली. या कारवाईत पोलिासांनी १७ बारबालांसह बारमध्ये अय्याशी करणारे १५ ग्राहक, १५ वेटर आणि ९ गायकासह वादकांना ताब्यात घेतले आहे.
अश्लील हावभाव करत ग्राहकांसमोर बारबालांचा नाच -
कल्याण गुन्हे शाखेने डोंबिवली पूर्वीतील मानपाडा रोडवर पोलीस ठाण्यापासून हाकेच्या अंतरावर असलेल्या सेव्हन स्टार ऑर्केटा बारमध्ये काल रात्रीच्या सुमारास अचानक छापेमारी केली. त्यावेळी एका हिंदी गाण्यावर तोकडे कपडे घालून अश्लील हावभाव करत ग्राहकांसमोर बारबालांचा नाच सुरु होता. या छापेमारीत पोलिसांनी १७ बालबालांसह इतरांना ताब्यात घेतले. विशेष म्हणजे ऑर्केस्ट्रा बारमध्ये केवळ ४ गायिकांना ठेवण्याची परवानगी असताना तब्बल १७ बारबाला बारचालकाने ठेवल्या होत्या.