ठाणे - पाचखाडी येथील नागरिकांना कचराळी तलावामध्ये एक कासव जखमी अवस्थेत दिसले. प्रशासनाला याबाबतची माहिती दिल्यानंतर ठाण्याच्या आपत्ती व्यवस्थापन विभागाने त्या कासवाला ब्रम्हांड येथील प्राणी रुग्णालयात उपचारासाठी पाठविले.
मादी जातीचे हे कासव असून, त्याचे वजन साडे एकोणचाळीस किलो आहे. या कासवावर आता उपचार सुरू असल्याची माहिती आपत्ती व्यवस्थापन विभागाने दिली.
ठाण्यात मागील काही दिवसात पावसाचे प्रमाण वाढले असल्यामुळे, अनेक वन्यजीव रस्त्यावर आलेले आहेत. मात्र, आपत्ती व्यवस्थापन विभाग, अग्निशामक दल आणि प्राणीमित्रांनी अनेक साप, अजगर तसेच इतर वन्यजीवांना जीवदान दिले आहे.