ठाणे -अभिनेता सुशांतसिंह राजपूत आत्महत्या प्रकरण ठाकरे सरकार दडपण्याचा प्रयत्न करीत आहे. मात्र, अभिनेत्री कंगना रणौतचे 'ते' बोलणे चुकीचे आहे, असे मत भाजपा नेते किरीट सोमैया यांनी व्यक्त करत ठाकरे सरकारवर निशाणा साधला. कंगनाने एका ट्विटमध्ये मुंबईची तुलना पाकव्याप्त काश्मीरशी (पीओके) केली होती. यावरुन वाद सुरू आहे.
'कंगना चुकली; मात्र, सुशांतसिंह आत्महत्या प्रकरण ठाकरे सरकार दडपण्याच्या प्रयत्नात'
कल्याण पश्चिममधील शंकरराव झुंझारराव चौकातील श्री. स्वामी नारायण हॉलमध्ये आज (रविवारी) कोरोना समुपदेशन समिती व रक्तनंदा ग्रुप, महाराष्ट्र यांच्या संयुक्त विद्यमाने कोरोना रुग्णांच्या मदतीसाठी प्लाझ्मा शिबिरासह रक्तदान शिबिराचे आयोजन करण्यात आले. सोमैया हे रक्तदान शिबिराच्या उद्घाटनाला कल्याणात आले होते. यावेळी त्यांनी माध्यमांशी बोलताना सुशांतसिंह आणि कंगना वरून राजकीय वर्तुळात सुरू असलेल्या राजकारणावर मत मांडले.