नवी मुंबई- नवी मुंबईतील ठाणे-बेलापूर मार्गावरील महापे भुयारी मार्ग येथे शिवशाही बसला अपघात झाला असून यामध्ये सुदैवाने कोणतीही जीवितहानी झाली नाही, अशी माहिती माहिती तुर्भे एमआयडीसी पोलीस ठाण्यातून मिळाली.
ठाणे-बेलापूर मार्गावरील म्हापे भुयारी मार्गात ठाण्यावरून अमरावतीच्या दिशेला जाणाऱ्या शिवशाही बसला आज (रविवार) सकाळी साडेसात वाजता अपघात झाला आहे. रस्त्यावर पाणी असल्याने चालकाने ब्रेक दाबल्यामुळे बस डिव्हायडरला जाऊन धडकून हा अपघात झाला. यामध्ये बस चालकाच्या, पायाला मार लागला आहे. मात्र, सुदैवाने कोणत्याही प्रकारे जीवितहानी झाली नसून कोणीही या घटनेत गंभीर जखमी झाले नसल्याची माहिती तुर्भे एमआयडीसी पोलिसांच्या माध्यमातून मिळाली आहे. या भुयारी मार्गाचे काम एमएमआरडीएच्या माध्यमातून केले आहे.