सोलापूर - येथील बार्शी शहरात काँग्रेसच्या कार्यकर्त्यांनी अनोखे असे 'बुड बुड घागरी' आंदोलन केले आहे. बार्शी तालुका पोलीस स्टेशनमधील अनियमित आणि ढिसाळ कारभार सुरू असल्याचा आरोप करत काँग्रेसचे कार्यकर्त्यांनी हे आंदोलन केले आहे.
बार्शीत पोलिसांच्या विरोधात 'बुड बुड घागरी' आंदोलन असमाधानकारक तपासावरून बार्शी पोलीस स्टेशन चर्चेत आहे. येथील पोलिस कर्मचारी व्यवस्थित व्यवस्थित तपास करत नसल्यामुळे तक्रारदारांना नाहक त्रास होत आहे. बार्शी पोलीस स्टेशनच्या ढिसाळ कामकाजाबाबत बुडबुड आंदोलन करून लक्ष वेधण्याचा प्रयत्न काँग्रेसच्या कार्यकर्त्यांनी केला. हे अनोखे आंदोलन बघण्यासाठी बार्शीकरांनी मोठी गर्दी केली होती. कार्यकर्त्यांनी केलेल्या आरोपांमध्ये काहीच तथ्य नसल्याचे सांगत बार्शी पोलीस स्टेशनचे सहायक पोलिस निरीक्षक राहूल देशपांडे यांनी सर्व आरोप फेटाळून लावले आहेत. काय आहे 'बुड बुड घागरी' आंदोलन -
इसापनीतीमधील ही एक गोष्ट आहे. ज्यामध्ये खोटे बोलून भ्रष्टाचार करतो आणि एखाद्याला फसवतो, किंवा दिलेल्या जबाबदारीचे पालन करत नाही, अशा लोकांची घागर नक्की बुडते.
